Një grup nxënësish të talentuar të SHFK “Jeronim de Rada” nga fshati Çerkez i Kumanovës, përkatësisht anëtarë të grupit letrar dhe të grupit të piktorëve në suaza të kësaj shkolle, të udhëhequr nga arsimtari i gjuhës shqipe Emrah Bilali dhe arsimtari i artit, Dali Alili, vizituan Agjencinë e Zbatimit të Gjuhës në Shkup. Ata i priti drejtori i AZGJ-së, Ylber Sela me bashkëpunëtorët e tij, i cili i njoftoi ata në lidhje me punën e përditshme që bën ky institucion për zbatimin e gjuhës shqipe në RMV. Gjatë këtij takimi u zhvullua një bashkëbisedim i hapur, ku ata u interesuan për shumë çështje që kanë të bëjnë me gjuhën, me profesionin, me perspektivën shoqërore etj. Me këtë rast, nxënësit e kësaj shkolle i dhanë një mirënjohje, si dhe një portret drejtorit Ylber Sela për punën që po bën në AZGJ. [gallery size="publisher-lg" bgs_gallery_type="slider" bgs_gallery_image_size="full" ids="7465,7468,7471,7474,7477"]

Gjatë qëndrimit në Tiranë, drejtori i Agjencisë së Zbatimit të Gjuhës, Ylber Sela e vizitoi Fakultetin e Historisë dhe të Filologjisë. Me këtë rasti ai nënshkroi një memorandum bashkëpunimi me dekanin e këtij fakulteti, prof. dr. Sabri Laçi. Ky memorandum parasheh inicimin, mbështetjen, realizimin e projekteve të përbashkëta kërkimore; mbështetjen dhe realizimin e veprimtarive të tjera shkencore (konferenca, seminare e botime në fusha me interes të dyanshëm etj.); shkëmbimin e përvojës lidhur me menaxhimin institucional, në varësi të burimeve dhe potencialit të disponueshëm nga secili institucion etj. [gallery bgs_gallery_type="slider" bgs_gallery_image_size="full" size="publisher-lg" ids="7435,7438"]

Në suaza të Ditëve të Albanologjisë që u mbajtën në Tiranë, ku morën pjesë përfaqësues të institucioneve të ndryshme shkencore, po ashtu mori pjesë edhe Agjencia e Zbatimit të Gjuhës, e kryesuar nga drejtori i saj Ylber Sela dhe bashkëpunëtorët e tij. Me këtë rast ai i përshëndeti të pranishmit duke theksuar se nëpërmjet bashkëpunimit të ndërsjellë me institucionet anekënd hapësirës shqiptare dhe më gjerë, AZGJ-ja ka arritur ta afirmojë interesimin, rolin dhe angazhimin në interes të gjuhës shqipe. Duke iu përgjigjur edhe Ditëve të Albanologjisë, shtoi më tej ai, aq më tepër kemi dëshmuar se vendosmëria jonë është e plotë për t’u bërë zë i përbashkët në të gjitha strategjitë e studimeve albanologjike, veçanërisht e pjesës që ka të bëjë me gjuhën shqipe. Në fund, u ndanë edhe mirënjohje për kontributin kërkimor e shkencor të personaliteteve e të institucioneve. Me këtë rast, rektori i Akademisë së Studimeve Albanologjike, prof. dr. Luan Përzhita i dha mirënjohje edhe drejtorit të AZGJ-së, prof. dr. Ylber Selës për kontributin në aspektin e zbatimit, mbrojtjes dhe afirmimit të gjuhës shqipe. [gallery bgs_gallery_type="slider" bgs_gallery_image_size="full" size="publisher-lg" ids="7447,7450,7453,7456"]

Të nderuar miq!Në fillim, më lejoni t’i them disa fjalë në suaza të këtij aktiviteti që ka të bëjë me albanologjinë. Është e kuptueshme se Agjencia e Zbatimit të Gjuhës Shqipe në RMV, preokupim kryesor e ka gjuhën shqipe dhe zbatimin e saj praktik në institucionet shtetërore të këtij vendi.Megjithatë, krahas kësaj, ne gjithnjë e më tepër po e zgjerojmë aktivitetin tonë edhe në aspektin shkencor, duke e trajtuar atë nëpërmjet takimeve e tubimeve shkencore që i kemi organizuar deri tani, me botimet e ndryshme shkencore që kemi bërë etj. Prandaj, edhe prania jonë në këtë rast, është vetëm një vazhdimësi për të dhënë kontributin tonë modest në trajtimin e gjuhës shqipe si çështje kryesore e shkencës së albanologjisë.Nëpërmjet bashkëpunimit të ndërsjellë me institucionet anekend hapësirës shqiptare dhe më gjerë, ne kemi arritur që ta afirmojmë interesimin, rolin dhe angazhimin tonë në interes të gjuhës shqipe. Duke iu përgjigjur edhe Ditëve të Albanologjisë, aq më tepër po dëshmojmë se vendosmëria jonë është e plotë, për t’u bërë zë i përbashkët në të gjitha strategjitë e studimeve albanologjike, veçanërisht e pjesës që ka të bëjë me gjuhën shqipe.Ne jemi të vetëdijshëm se kjo është një fushë shumë e gjerë, por mjafton që nëpërmjet angazhimit tonë të jemi pjesë e këtij mozaiku që mbështet, bashkëpunon, kontribuon dhe hedh dritë për gjuhën shqipe. Angazhimi i studiuesve dhe gjuhëtarëve më të spikatur shqiptarë në aktivitetet tona, konsultimet për çështje të ndryshme terminologjike, ndërtimi i strategjive për harmonizimin e terminologjisë në mbarë hapësirën shqiptare, përgatitja e doracakëve të ndryshëm gjuhësorë, përpilimi i fjalorëve etj., janë vetëm disa orientime e projekte konkrete të cilat i kemi realizuar deri tani në suaza të institucionit tonë. Por kjo veprimtari do të vazhdojë edhe më tej duke bashkëpunuar me të gjitha institucionet albanologjike që të jemi në sinkroni të plotë për sa i përket trajtimit dhe studimit të gjuhës shqipe.Pa dashur që ta zgjas më tepër, në fund dua të theksoj se Agjencia e Zbatimit të Gjuhës Shqipe po ndjek rrugën e një partneriteti strategjik në studimet albanologjike, përkatësisht atyre gjuhësore. Në këtë kuptim ne përpiqemi që me punën dhe angazhdimin tonë ta ngremë atë në nivelin e lakmueshëm, duke hapur rrugë të gjera bashkëpunimi e shkëmbimi shkencor. Këtu duhet theksuar se vëmendja jonë ndaj institucioneve të tjera është e madhe, por është me interes që edhe vëmendja e të tjerëve të jetë e njëjtë ndaj nesh. Duke qenë pranë njëri-tjetrit për interesat e gjuhës shqipe, ne do t’i përmbushim detyrimet tona shkencore, por edhe ato kombëtare.Ju faleminderit![gallery bgs_gallery_type="slider" size="publisher-lg" bgs_gallery_image_size="full" ids="7425,7422,7419"]

Të nderuar miq!Në fillim, më lejoni t’i them disa fjalë në suaza të këtij aktiviteti që ka të bëjë me albanologjinë. Është e kuptueshme se Agjencia e Zbatimit të Gjuhës Shqipe në RMV, preokupim kryesor e ka gjuhën shqipe dhe zbatimin e saj praktik në institucionet shtetërore të këtij vendi.Megjithatë, krahas kësaj, ne gjithnjë e më tepër po e zgjerojmë aktivitetin tonë edhe në aspektin shkencor, duke e trajtuar atë nëpërmjet takimeve e tubimeve shkencore që i kemi organizuar deri tani, me botimet e ndryshme shkencore që kemi bërë etj. Prandaj, edhe prania jonë në këtë rast, është vetëm një vazhdimësi për të dhënë kontributin tonë modest në trajtimin e gjuhës shqipe si çështje kryesore e shkencës së albanologjisë.Nëpërmjet bashkëpunimit të ndërsjellë me institucionet anekend hapësirës shqiptare dhe më gjerë, ne kemi arritur që ta afirmojmë interesimin, rolin dhe angazhimin tonë në interes të gjuhës shqipe. Duke iu përgjigjur edhe Ditëve të Albanologjisë, aq më tepër po dëshmojmë se vendosmëria jonë është e plotë, për t’u bërë zë i përbashkët në të gjitha strategjitë e studimeve albanologjike, veçanërisht e pjesës që ka të bëjë me gjuhën shqipe.Ne jemi të vetëdijshëm se kjo është një fushë shumë e gjerë, por mjafton që nëpërmjet angazhimit tonë të jemi pjesë e këtij mozaiku që mbështet, bashkëpunon, kontribuon dhe hedh dritë për gjuhën shqipe. Angazhimi i studiuesve dhe gjuhëtarëve më të spikatur shqiptarë në aktivitetet tona, konsultimet për çështje të ndryshme terminologjike, ndërtimi i strategjive për harmonizimin e terminologjisë në mbarë hapësirën shqiptare, përgatitja e doracakëve të ndryshëm gjuhësorë, përpilimi i fjalorëve etj., janë vetëm disa orientime e projekte konkrete të cilat i kemi realizuar deri tani në suaza të institucionit tonë. Por kjo veprimtari do të vazhdojë edhe më tej duke bashkëpunuar me të gjitha institucionet albanologjike që të jemi në sinkroni të plotë për sa i përket trajtimit dhe studimit të gjuhës shqipe.Pa dashur që ta zgjas më tepër, në fund dua të theksoj se Agjencia e Zbatimit të Gjuhës Shqipe po ndjek rrugën e një partneriteti strategjik në studimet albanologjike, përkatësisht atyre gjuhësore. Në këtë kuptim ne përpiqemi që me punën dhe angazhdimin tonë ta ngremë atë në nivelin e lakmueshëm, duke hapur rrugë të gjera bashkëpunimi e shkëmbimi shkencor. Këtu duhet theksuar se vëmendja jonë ndaj institucioneve të tjera është e madhe, por është me interes që edhe vëmendja e të tjerëve të jetë e njëjtë ndaj nesh. Duke qenë pranë njëri-tjetrit për interesat e gjuhës shqipe, ne do t’i përmbushim detyrimet tona shkencore, por edhe ato kombëtare.Ju faleminderit![gallery size="publisher-lg" bgs_gallery_type="slider" bgs_gallery_image_size="full" ids="7367,7370,7373"]

Studiuesja shqiptare nga Tirana, Elona Gjata e vizitoi Agjencinë e Zbatimit të Gjuhës në Shkup, të cilën e priti drejtori Ylber Sela. Gjatë këtij takimi, ai e njoftoi në lidhje me punën e përditshme që po bën AZGJ-ja për zbatimin e gjuhës shqipe në institucionet shtetërore të RMV-së. Krahas kësaj, ai e njoftoi edhe me aktivitetet e tjera që po zhvillon ky institucion në interes të ruajtjes dhe afirmimit të gjuhës shqipe. Në kontekst të kësaj ata biseduan edhe për mundësinë e bashkëpunimit në të ardhmen për çështje të ndryshme që kanë të bëjnë me gjuhën shqipe. [gallery bgs_gallery_type="slider" bgs_gallery_image_size="full" size="publisher-lg" ids="7337,7340"]

Në praninë e shumë personaliteteve të shquara shqiptare të shkencës, artit, kulturës etj., në mjedisin pitoresk të Vila Parkut në Prizren, Forumi Imazh – Media organizoi një solemnitet madhështor, në të cilin i dorëzoi çmimet “Ambasador për imazhin shqiptar në botë”. Këtë çmim të rëndësishëm e mori edhe drejtori i Agjencisë së Zbatimit të Gjuhës, Ylber Sela me motivacionin për kontributin e dhënë në zbatimin e gjuhës shqipe në Maqedoninë e Veriut, si dhe për kontributin e dhënë në forcimin e marrëdhënieve mes Shqipërisë dhe Maqedonisë së Veriut. Me këtë rast, z. Sela i falënderoi përfaqësuesit e forumit në krye me drejtuesin e saj, Astrit Memia, duke theksuar se ky çmim është i dyti me radhë që më jepet sivjet, pas atij të 22 Nëntorit. Pa dyshim, shtoi më tej ai, çmimi është mirënjohje për punën që po bëjmë me ekipin tim në institucionin të cilin e udhëheq në lidhje me zbatimin e gjuhës shqipe. [gallery bgs_gallery_type="slider" bgs_gallery_image_size="full" size="publisher-lg" ids="7349,7352,7355,7358"]

Të nderuar miq!Jam shumë i nderuar t’ju përshëndes të gjithë juve, miq të ambasadorit Shaban Murati, dashamirësve të librit e të kulturës. Fillimisht dëshiroj të theksoj faktin se kënaqësia është e dyfishtë kur si shkas për këtë po bëhet pikërisht diplomati i karrierës dhe ambasadori Shaban Murati, me dy librat e tij “Vetëvrasja diplomatike e Kosovës dhe e Shqipërisë” dhe “Deti midis Shqipërisë dhe Greqisë”, dy libra të cilat trajtojnë pikat më nevralgjike të shqiptarëve në raportet ndërkombëtare.Duke qenë se ambasadori Shaban Murati ka një përvojë të gjatë diplomatike, si një njohës i thellë i këtyre problemeve, në dy librat e tij ai shkruan në mënyrë shumë empirike, duke e mbështetur çdo gjë në fakte, situata konkrete, në kontekste e raporte të cilat ende janë të freskëta dhe ende vazhdojnë të trazojnë marrëdhëniet tona me fqinjët. Nga kjo pikëpamje librat e ambasadorit Shaban Murati lëshojnë një alarm të fuqishëm për shtetet shqiptare, për elitat politike të cilat i udhëheqin shtetet tona, që të ndërgjegjësohen dhe të aktivizohen me gjithë potencialin dhe kapacitetin e tyre institucional, intelelektual dhe diplomatik, në mënyrë që ta mbrojnë qenien kombëtare, përkatësisht territorin tonë ndaj të cilit pretendojnë fqinjët. Detyrimisht kjo është një çështje shumë e ndijshme dhe e brishtë, prandaj duhet angazhim serioz, guxim dhe vizion i plotë. Mendoj se të gjitha këto na i ofrojnë librat e ambasadorit Sh. Murati, bëhen udhëzues konstruktiv dhe real për t’i kapërcyer me dinjitet e maturi. Në të vërtetë, leximi i këtyre librave na kthen në qenien tonë për t’u ndjerë shqiptarë dhe për ta mbrojtur veten nga çdo pretendim agresiv ose keqpërdorim i mundshëm.Pa dashur që ta zgjas më tepër, uroj që librat e mikut tonë ta gjejnë udhën e tyre te lexuesit, sidomos tek elitat shtetërore të cilat duhet t’i mbajnë si doracak të domosdoshëm nëpër zyrat e tyre për të kuptuar gjendjen dhe mundësinë tonë në fushën e diplomacisë.Ju faleminderit![gallery bgs_gallery_type="slider" bgs_gallery_image_size="full" size="publisher-lg" ids="7322,7325,7328"]

Të nderuar të pranishëm!Më lejoni të shpreh kënaqësinë time për këtë aktivitet që ka të bëjë me promovimin e veprimtarisë së studiuesit Begzat Baliu, veçmas të fjalorit në veprën e Ymer Elshanit, aktivitet ky që po zhvillohet në Agjencinë e Zbatimit të Gjuhës, e cila gjithnjë e më tepër po bëhet institucion i pranueshëm nga të gjitha qarqet shkencore e kulturore anekënd hapësirës shqiptare.Pa dyshim, AZGJ-ja gjithmonë i ka hapur dyert për takime e ngjarje të këtilla, të cilat e promovojnë shkencën dhe kulturën shqiptare, sidomos studimet që paraqesin kontribut të rëndësishëm për gjuhësinë tonë. Neve na lidh gjuha shqipe si detyrim kombëtar, prandaj ndjejmë kënaqësi kur gjithsecili prej nesh jep kontribut në këtë fushë.Detyra e AZGJ-së është të ndihmojë çdo aktivitet që ka të bëjë me gjuhën shqipe, prandaj edhe për sa u përket veprave të mikut tonë, Begazat Baliu, ne jemi të gatshëm të jemi bartës të promovimit dhe afirmimit të tyre.Pa dashur që ta zgjas më tepër, uroj që ky aktivitet të shërbejë si një ndërgjegjësim dhe sugjerim për të gjithë ata që merren me problemet e gjuhës shqipe, që ta kthejmë vëmendjen nga këto vepra të cilat janë pjesë e shkencës dhe e kulturës sonë, për ta ndërtuar dhe plotësuar vizionin ndaj gjuhës shqipe.Ju faleminderit![gallery bgs_gallery_type="slider" size="publisher-lg" ids="7307,7310,7313"]

Konsulli i Përgjithshëm i Republikës së Kosovës në RMV, z. Agim Krasniqi, u prit në një takim nga z. Ylber Sela, drejtor i Agjencisë së Zbatimit të Gjuhës. Gjatë takimit, drejtori Sela foli për funksionimin dhe punën e gjithanshme të këtij institucioni të rëndësishëm dhe sukseset e arritura në zbatimin e gjuhës shqipe në nivel zyrtarë, duke filluar nga themelimi e deri me sot. Ai potencoi edhe ndihmën dhe mbështetjen e institucioneve shtetërore në aspektin e përkthimit dhe lekturimit të dokumenteve dhe shkresave të ndryshme zyrtare. Z. Krasniqi e falënderoi për pritjen dhe e çmoi lartë angazhimin dhe punën që bën Agjencia dhe drejtori Sela në zbatimin e Ligjit të Zbatimit të Gjuhëve, gjithnjë në interes të qytetarëve të Republikës së Maqedonisë së Veriut.