Më 13 gusht, në zyrat e Agjencisë u zhvillua takim mes përfaqësuesve të Odës së Përmbaruesve të Republikës së Maqedonisë së Veriut dhe përfaqësuesve të Agjencisë për Zbatimin e Gjuhës. Me këtë rast, përfaqësuesit e Odës së Përmbaruesve të Republikës së Maqedonisë së Veriut shprehën gatishmërinë të zbatojnë obligimet të cilat burojnë nga Ligji për Përdorimin e Gjuhëve, me ç’rast ata do të shërbejnë si model kryesor i udhëheqjes efektive të përmbarimit të vendimeve në shtet, duke kontribuar në sundimin e ligjit. Meqenëse Agjencia për Zbatimin e Gjuhës ka për obligim ligjor përkrahjen dhe ofrimin e ndihmës për zbatimin e obligimeve që kanë institucionet nga Ligji për Përdorimin e Gjuhëve, palët shtjelluan në detale të njëjtin ligj. Agjencia për Zbatimin e Gjuhës qëndron në gatishmëri për t’i dhënë mbështetjen e nevojshme Odës së Përmbaruesve të Republikës së Maqedonisë së Veriut që ato, në mënyrë efektive, t’i zbatojnë obligimet e tyre që burojnë nga Ligji për Përdorimin e Gjuhëve në të gjitha procedurat për të cilat Oda e Përmbaruesve është kompetente. Shkup, 13.8.2019

Agjencia për Zbatimin e Gjuhës sot priti profesoreshën Jasmina Trajkoska. Takimi kishte për qëllim të informojë Agjencinë për hulumtimin e bërë në temën “Vlerësimi i ndikimit të rregullativës për përdorim të gjuhëve në Maqedoni”, i botuar nga Qendra për Demokraci Deliberative “Dialog”, në përgatitje të profesoreshave Jasmina Trajkoska dhe Josipa Rizankoska, në prill të vitit 2018. Agjencia është e hapur edhe më tej për bashkëpunime në interes të përdorimit të gjuhëve në Republikën e Maqedonisë së Veriut.

Çdo ditë vijnë ankesa dhe kërkesa nga institucionet dhe qytetarët për shtrembërimin dhe mospërdorimin e drejtë të Ligjit për Përdorimin e Gjuhëve. Kështu u shpreh drejtori i Agjencisë për Zbatimin e Gjuhës, Ylber Sela. Duke përmendur kompetencat e Agjencisë, Sela tha se edhe pse kanë kaluar 6 muaj që kur ka hyrë ligji në fuqi ende nuk ka ligj për Inspektorat dhe kjo krijon dilema te qytetarët për kompetencat e agjencisë dhe inspektoratit. [embed]https://www.youtube.com/watch?v=nTvwczemxmM[/embed] “Neni 20 e thotë shumë qartë që për monitorimin e zbatimit të plotë dhe të përpiktë të dispozitave të këtij ligji që kanë të bëjnë me përdorimin e gjuhëve, formohet inspektorat për përdormin e gjuhës. Do të ishte e udhës që Inspektorati të krijohet sa më shpejti sepse në bëjmë tani punë të dyfishtë, sepse njerëzit nuk e kanë lexuar ndoshta ligjin dhe kanë dilema dhe drejtohen menjëherë të Agjencia pse nuk është bërë kjo e kështu me radhë dhe ne mandej për t’i mbuluar të gjitha kritikat, dalim dhe bëjmë punë që nuk i kemi në kompetencë tonë”, tha drejtori i Agjencisë për Zbatimin e Gjuhës, Ylber Sela. Sela thotë se ka institucione që nuk shprehin vullnet për zbatimin e ligjit për përdorimit të gjuhëve sepse shfrytëzojnë mungesën e Inspektoratit për inspektim. Ndërsa institucionet ku nuk janë të sigurtë në përkthime t’i drejtohen Agjencisë që t’ju vijë në ndihmë. Po ashtu në vend ka mungesë të kapacitetve se ju drejtohen Tiranës dhe Prishtinës zyrtare për ndihmë me përkthimet që të mos lejohen gabime të mundshme. “Nga përvoja që kemi pasur deri tani gabimet bëhen nga përkthyes të cilët nuk janë adekuat, pra nuk janë përkthyes të diplomuar. Nga ana tjetër mospërdorimin i gjuhës shqipe si zyrtare ka bërë që njerëzit janë mësuar me atë logjiken me shumë fjalë maqedonase, përkthimi i drejtëpërdrejtë dhe nga ana tjetër ka edhe përkthime që bëhen të qëllimshme të cilët shkaktojnë huti dhe nervozizëm tek qytetarët”, deklaroi Ylber Sela, drejtor i Agjencisë për përdorimin e ligjit për gjuhët. Ndërsa nga Ministria e Drejtësisë e cila është përgjegjëse për përpilimin e ligjit për Inspektorat shtetëror thonë se ligji është në proces të harmonizimit institucional dhe se propozim-ligji është publikuar në ENER në fillim të muajit qershor të këtij viti. Për të ndjekur intervistën e plotë mund të klikoni këtu:   https://www.facebook.com/tv21hd/videos/368365447082698/

Përfaqësues nga Posta e Maqedonisë së Veriut sot vizituan Agjencinë për Zbatimin e Gjuhës me qëllim për bashkëpunim të ndërsjellë rreth respektimit të Ligjit për Përdorimin e Gjuhëve. Nga ana e përfaqësuesve të Postës u tha se duke marrë parasysh ndryshimin e fundit të emrit zyrtar të shtetit, të Republikës së Maqedonisë së Veriut, kanë ndryshuar emrin e institucionit. Dhe me miratimin e Ligjit për Përdorimin e Gjuhëve në Kuvend, Posta e RMV-së ka marrë masa për zbatimin e tij, duke respektuar rregullat për përkthim të emrit të institucionit, dhe janë në proces të përdorimit të vulave dygjuhësore, në të gjitha vendimet dhe aktet e tjera, si dhe legjislacionet që dalin nga kompetenca e institucionit. Agjencia për Zbatimin e Gjuhës tha se janë në gatishmëri për këshilla dhe për të ofruar ndihmë në lidhje me miratimin dhe zbatimin e masave që sigurojnë përdorimin dhe statusin e barabartë të gjuhëve zyrtare në RMV. Po ashtu, Agjencia ofroi dhënien e rekomandimeve për institucionin për të inkurajuar, mbështetur dhe ofruar zgjidhje afatgjate, të qëndrueshme strukturore dhe një politikë stimulimi për përdorimin e gjuhëve zyrtare në Republikën e Maqedonisë së Veriut. Nga ana e Postës së RMV-së u kërkua të unifikohen nocionet administrative në gjuhën shqipe. Për këtë, Agjencia parasheh bërjen e politikave gjuhësore dhe unifikimin e nocioneve administrative në bashkëpunim me ekspertë të fushës dhe institucione gjegjëse brenda dhe jashtë vendit.

Këshilli i Evropës në Shkup ka dhënë mbështetje të fuqishme dhe konstruktive për vendin gjatë respektimit të ligjeve dhe të drejtave njerëzore dhe gjuhësore, tha sot Ana Zec, shefja e zyrës së programit të Këshillit të Evropës në takim me përfaqësuesit e Agjencisë për Zbatimin e Gjuhës. Gjatë takimit u përshëndet bashkëpunimi i shkëlqyer mes të dy përfaqësuesve të institucioneve në aspekt të dialogut të intensifikuar mbi miratimin e Ligjit mbi Gjuhët dhe zbatimi i tij, si dhe bashkëpunimit të përforcuar me realizimin e projekteve rrjedhëse. Drejtori i Agjencisë, Ylber Sela, informoi për gjendjen e brendshme, kushtet dhe kapacitetet e burimeve njerëzore, për agjendën e Qeverisë në pikëpamje të përmbushjes së reformave të Agjencisë. Përfaqësuesja e Këshillit të Evropës foli për programet dhe projektet, të cilat zhvillohen me intezitet të forcuar në shumë sfera shoqërore të veprimit. Shprehën mbështetje për prioritetet e Agjencisë për Zbatimin e Gjuhës, veçanërisht në lidhje me rritjen e vetëdijes së qytetarëve mbi zbatimin e Ligjit mbi Përdorimin e Gjuhëve. [gallery size="publisher-lg" bgs_gallery_type="slider" ids="1457,1460"]  

Pavarësisht obligimit ligjor që brenda 6 muajve të gjitha institucionet të fillojnë me zbatimin e ligjit për përdorimin e gjuhëve, drejtori i Agjencisë Ylber Sela thekson se një pjesë e institucioneve tabelat, vulat e memorandumet nuk i kanë bërë ende në dy gjuhë. Në një intervistë për Alsat, Sela thotë se disa institucione nuk kanë vullnet që të zbatojnë shqipen. Ndërkaq për sa i përket gabimeve që bëjnë institucionet gjatë përdorimit të shqipes, Sela tha se së shpejti do të fillojë trajnimi i përkthyesve. Ai i bëri thirrje qeverisë që të përshpejtojë procedurat për themelimin e Inspektoratit i cili duhet të mbikëqyr zbatimin e ligjit. Për më tepër ndiqni intervistën. https://www.youtube.com/watch?v=yVX-tOAFjzo  

Ambasadori i Republikës së Kosovës, Gjergj Dedaj, vizitoi Agjencinë për Zbatimin e Gjuhës Drejtori i Agjencisë për Zbatimin e Gjuhës, Ylber Sela, sot priti Ambasadorin e Republikës së Kosovës në Republikën e Maqedonisë së Veriut, Gjergj Dedaj. Në takim, drejtori i Agjencisë e njoftoi ambasadorin Dedaj mbi themelimin e institucionit, rolin e tij, misionin, masat e ndërmarra dhe për aktivitetet e ardhshme. Ambasadori Dedaj i uroi sukses drejtorit të Agjencisë dhe ekipit të tij, në ndërmarrjen e masave për zbatimin e ligjit, nga ana e institucioneve të shtetit. Dedaj tha se RMV-ja është vend fqinj i Kosovës dhe gjithmonë kanë bashkëvepruar në përparimin e vendeve për anëtarësim në NATO dhe BE. Prandaj, sipas tij, vendi duhet të respektojë ligjet dhe të drejtat gjuhësore. “Maqedonia e Veriut, që të pranojë standardet evropiane, duhet t’i miratojë dhe zbatojë ligjet për barazi gjuhësore, kulturore etj, me ç’gjë edhe shpresojmë që Maqedonia të anëtarësohet në NATO, e Kosova e mbështet fuqimisht”, tha Dedaj. Barazia etnike dhe gjuhësore është një çështje thelbësore për funksionimin e një shteti, tha në fund Ambasadori i Kosovës, Gjergj Dedaj. [gallery size="publisher-lg" bgs_gallery_type="slider" ids="1425,1422,1419"]

Në ambientet e Agjencisë për Zbatimin e Gjuhës sot u zhvillua takim ndërmjet drejtorit të Agjencisë për Zbatimin e Gjuhës, Ylber Sela, dhe Ambasadorit të Republikës së Shqipërisë në Republikën e Maqedonisë së Veriut, Fatos Reka. Në takim u diskutuan një sërë çështjesh të cilat janë të një rëndësie thelbësore për funskionimin e Agjencisë dhe ndërmarrjen e masave për përballjen e sfidave. Gjatë takimit, drejtori Sela e njoftoi Ambasadorin Reka në lidhje me punën e deritanishme të Agjencisë si dhe hapat e mëtutjeshme që Agjencia do t’i ndërmarrë. Ambasadori Reka shprehu gatishmërinë për bashkëpunim ndërmjet Agjencisë dhe institucioneve përkatëse në R. e Shqipërisë në të ardhmen. Ambasadori Reka theksoi se beson që, falë vendosmërisë dhe gatishmërisë së drejtorit të Agjencisë dhe ekipit të tij, do të ketë përparim zbatimi i gjuhës shqipe, gjë e cila është në të mirë të vendit. “Për faktorin shqiptar në RMV është një arritje e madhe miratimi dhe zbatimi i Ligjit mbi Përdorimin e Gjuhëve dhe kjo paraqet një mundësi për zbatim të një gjuhe korrekte, standarde, pa dialektizma, siç e meriton gjuha shqipe”, tha Ambasadori Reka.

Drejtori i Agjencisë për Zbatimin e Gjuhës, Ylber Sela, sot u takua me Presidentin e Republikës së Maqedonisë së Veriut, Stevo Pendarovski. Takimi u fokusua në kushtet lidhur me zbatimin e Ligjit mbi Përdorimin e Gjuhëve nga institucionet publike në Republikën e Maqedonisë së Veriut. Drejtori Ylber Sela e informoi Presidentin Pendarovski për aktivitetet e deritanishme të realizuara, si dhe sfidat dhe planet e Agjencisë gjatë zbatimit të Ligjit. Ai theksoi rëndësinë e zbatimit të Ligjit nga ana e Institucionit të Presidentit të Republikës së Maqedonisë së Veriut dhe shprehu se beson që institucionet e tjera në vend së shpejti do të rregullojnë veprimet e tyre sipas Ligjit mbi Përdorimin e Gjuhëve. Të dy bashkëbiseduesit në përfundim thanë se respektimi i Ligjit mbi Përdorimin e Gjuhëve jep një kontribut të rëndësishëm në zhvillimin dhe kultivimin e bashkëjetesës ndëretnike, si dhe në arritjen e objektivave strategjike të Republikës së Maqedonisë së Veriut, anëtarësimin e plotë në NATO dhe Bashkimin Evropian. Foto: pretsedatel.mk [gallery size="publisher-lg" bgs_gallery_type="slider" ids="1379,1382,1385"]

Sot në hapësirat e Agjencisë për Zbatimin e Gjuhës u mbajt takim ndërmjet drejtorit të Agjencisë për Zbatimin e Gjuhës, Ylber Sela, drejtorit të Arkivit Shtetëror të Republikës së Maqedonisë së Veriut, Kirill Petrov dhe zëvendësdrejtorit të Arkivit Shtetëror të Republikës së Maqedonisë së Veriut, Muzafer Bislimi. Në takim u diskutuan një sërë çështjesh, ndër të cilat edhe obligimet të cilat burojnë nga Ligji mbi Përdorimin e Gjuhëve. Agjencia për Zbatimin e Gjuhës shprehu gatishmërinë për të dhënë mbështetjen e nevojshme Arkivit Shtetëror të Republikës së Maqedonisë së Veriut për plotësimin e obligimeve ligjore, ndërsa Arkivi Shtetëror u zotua se do të mbështesin Agjencinë në ndërtimin e kapaciteteve dhe kuadrove mbi punën arkivore dhe Arkivin e Agjencisë.

Drejtori i Agjencisë për Zbatimin e Gjuhës, Ylber Sela, priti në takim njoftues Argjent Karain, shef i zyrës së International Management Group (IMG). IMG-ja është e pranishme në vendin tonë që nga viti 2001 dhe kanë një sërë projektesh të suksesshme në sferën e kulturës dhe arsimit, duke përfshirë edhe zbatimin e gjuhës në nivel vendor. Në takim u diskutuan mundësitë e bashkëpunimit të Agjencisë dhe IMG-së, si dhe sferat të cilat janë parësore për zbatimin e gjuhës. Palët u pajtuan që ky takim të japë edhe fryte konkrete, duke bashkëpunuar në realizimin e projekteve të përbashkëta në Republikën e Maqedonisë së Veriut. [gallery size="publisher-lg" bgs_gallery_type="slider" ids="1228,1231,1234"]