Njëra nga vizitat e delegacionit të Agjencisë për Zbatimin e Gjuhës Shipe, të kryesuar nga drejtori i saj Ylber Sela, ishte edhe ajo në Fakultetin e Histori-Filologjisë në Universitetin e Tiranës. Delegacioni u prit nga dekani i këtij fakulteti, Sabri Laçi me bashkëpunëtorët e tij. Drejtori Ylber Sela e njoftoi atë lidhur me sfidat, angazhimet dhe projektet e Agjencisë për Zbtimin e Gjuhës gjatë kësaj periudhe. Po ashtu, edhe dekani Laçi e uroi për punën që po bën kjo agjenci, duke shprehur gatishmëri për indihmë profesionale në aspektin e unifikimit të terminologjisë, përpilimit të fjalorëve etj. Tiranë, 15.10.2019 [gallery size="publisher-lg" bgs_gallery_type="slider" bgs_gallery_image_size="full" ids="2266,2269,2272"]

Në suaza të vizitave të shumta në Republikën e Shqipërisë, delegacioni i Agjencisë për Zbatimin e Gjuhës Shqipe, i kryesuar nga drejtori Ylber Sela, e vizitoi edhe Akademinë e Studimeve Albanologjike. Delegacioni në fjalë u prit nga kryetari i kësaj akademie, Marenglen Verli dhe bashkëpunëtorët e tij. Drejtori i Agjencisë për Zbatimin e Gjuhës, Ylber Sela e njoftoi nikoqirin lidhur me punën dhe angazhimet që po bën kjo agjenci në zbatimin e Ligjit për Përdorimin e Gjuhëve. Po ashtu ai theksoi se nevojitet njohje dhe bashkëpunim ndërinstitucional. Kryetari i kësaj akademie Marenglen Verli, theksoi se ndihma e tyre do të jetë e pakursyer në aspektin e hartimit të fjalorëve terminologjik, si dhe premtoi se agjencisë do t’i jepen të gjithë fjalorët në formatin elektronik etj. Po ashtu, ai u zotua se Agjencisë për Zbatimin e Gjuhës Shqipe për nevojat e saj do t’i dhurohen nga disa kopje të botimeve të Akademisë së Studimeve Albanologjike. Tiranë, 15.10.2019 [gallery bgs_gallery_type="slider" bgs_gallery_image_size="full" size="publisher-lg" ids="2248,2251,2254,2257"]

Gjatë vizitave në Shqipëri, delegacioni i Agjencisë për Zbatimin e Gjuhës, i kryesuar nga drejtori Ylber Sela e vizitoi edhe Akademinë e Shkencave të Republikës së Shqipërisë, ku u prit nga zëvendëskryetari i saj, akademiku Vasil Tole, me bashkëpunëtorët e tij. Në këtë takim drejtori Sela e informoi atë për punën që ka bërë dhe që po bën Agjencia për Zbatimin e Gjuhës, veçmas duke theksuar nevojën e bashkëpunimit dhe ndihmës. Akademiku Vasil Tole, tregoi gatishmëri për të bashkëpunuar me këtë institucion, duke ofruar ndihmë shkencore dhe profesionale, për sa i përket hartimit të fjalorëve terminologjikë, si dhe për gjëra të tjera të nevojshme. Me këtë rast ai u zotua se të gjitha botimet e Akademisë së Shkencave do t’i dhurohen Agjencisë për Zbatimin e Gjuhës. Tiranë, 15.10.2019 [gallery size="publisher-lg" bgs_gallery_type="slider" bgs_gallery_image_size="full" ids="2233,2236,2239"]

Ministri i Shtetit për Diasporën i Republikës së Shqipërisë, Pandeli Majko, priti në zyrën e tij në Tiranë një delagacion të Agjencisë për Zbatimin e Gjuhës, të kryesuar nga drejtori i saj, Ylber Sela. Gjatë këtij takimi drejtori Ylber Sela, e informoi ministrin Pandeli Majko lidhur me punën, angazhimet, sfidat dhe projektet që po bën ky institucion. Ministri Pandeli Majko e uroi drejtorin Ylber Sela për detyrën, punën dhe angazhimin që po bën në aspektin e zbatimit të Ligjit të miratuar në Kuvendin e Republikës së Maqedonisë së Veriut, i cili i ka hapur rrugën gjuhës shqipe për të qenë në përdorim zyrtar. Ai po ashtu shprehu gatishmëri për të ndihmuar në situata të nevojshme. Tiranë, 15.10.2019 [gallery size="publisher-lg" bgs_gallery_type="slider" bgs_gallery_image_size="full" ids="2218,2221,2224"]

Më 14 tetor, Universitetin e Shkodrës “Luigj Gurakuqi” e vizitoi një delegacion i Agjencisë për Zbatimin e Gjuhës, i kryesuar nga drejtori i saj, Ylber Sela. Delegacioni në fjalë u prit nga rektori i këtij Universiteti, Adem Bekteshi, dekania e Fakultetit të Shkencave Shoqërore, Mimoza Priku, drejtori i Qendrës së Studimeve Albanologjike, Artan Haxhi dhe Edlira Bushati. Rektori Bekteshi, duke uruar mirëseardhje, theksoi se “ligji për zyrtarizimin e gjuhës në Republikën e Maqedonisë së Veriut dhe formimi i Agjencisë për Zbatimin e Gjuhës ka qenë një lajm i mirë edhe për ne në Shqipëri. Prandaj, zgjedhja për ta vizituar Universitetin e Shkodrës dhe për të kërkuar mbështetje prej nesh, na ka gëzuar pa masë,” shtoi ai. Më tej, ai foli për studimet albanologjike në këtë Universitet, bashkëpunimi me qendrat e ndryshme etj. Ai u shpreh i gatshëm për çdo formë bashkëpunimi dhe kontributi për sa i përket gjuhës shqipe, premtoi se ndihma do të jetë e pakursyer, sepse gjuha është detyrë e përbashkët. Propozim tjetër i rektorit ishte që Departamenti i Gjuhës i këtij Universiteti të bëjë një vizitë në Shkup për t’u njoftuar nga afër me institucionin e AZGJ-së. Nga ana tjetër, drejtori i Agjencisë për Zbatimin e Gjuhës, Ylber Sela, i njoftoi nikoqirët me punën dhe aktivitet e Agjencisë. Ai tha se ky takim kishte vlerë të madhe për ta dhe jo rastësisht është zgjedhur Shkodra për shumë arsye. Qëllimi kryesor është njohja e ndërsjellë, gjetja e bashkëpunëtorëve për projektet tona, për seminare, hartimin e fjalorëve, punëtori të ndryshme etj. Shkodër, 14.10.2019 [gallery size="publisher-lg" bgs_gallery_type="slider" bgs_gallery_image_size="full" ids="2183,2186,2189,2192,2195,2198,2201,2204"]

Sot në zyrën e Regjistrit Qendror (RQ) drejtori i Agjencisë për Zbatimin e Gjuhës (AZGJ), Ylber Sela, realizoi takim pune me Marija Boshkovska-Jankovski, drejtoreshë e RQ-së. Drejtori Sela theksoi se takimi është jashtëzakonisht i rëndësishëm sepse RQ-ja është një nga institucionet kyçe ku janë të nevojshme përpjekje të konsiderueshme për mundësimin e qasjes së plotë në shërbime për personat fizik dhe juridik në gjuhët zyrtare në Republikën e Maqedonisë së Veriut. Në takim, drejtoresha Boshnjakovska-Jankovski theksoi se RQ-ja po punon drejt azhurnimit të zgjidhjes aplikative softuerike që do të mundësojë qasje për qytetarët dhe subjektet afariste te shërbimet shfrytëzuese në gjuhët zyrtare, si dhe në procedurë është edhe zbatimi i obligimeve të tjera që burojnë nga zbatimi i Ligjit të Përdorimit të Gjuhëve. Palët shprehën interes për bashkëpunim të mëtutjeshëm dhe pritshmëri që dialogu konstruktiv ndërmjet dy institucioneve do të vazhdojë të përparojë në të ardhmen. Ky takim është në të mirë të përshpejtimit të zbatimit të Ligjit të Përdorimit të Gjuhëve nga ana e institucionit të lartpërmendur ku ka ngecje në këtë drejtim. Shkup, 7.10.2019 [gallery bgs_gallery_image_size="full" bgs_gallery_type="slider" size="publisher-lg" ids="2142,2145,2148"]

Drejtori i Agjencisë për Zbatimin e Gjuhës, Ylber Sela, në kuadër të aktiviteteve të rregullta të punës, realizoi vizitë në Drejtorinë e Ekzekutimit të Sanksioneve (DES), ku realizoi takim pune me Jovica Stojanoviq, drejtor i DES-së. Në takim, drejtori Sela me bashkëbiseduesin e tij shkëmbyen qëndrime rreth nivelit të deritanishëm të realizimit të obligimeve që burojnë nga dispozitat e Ligjit të Përdorimit të Gjuhëve, nga ana e DES-së, si edhe në shtëpitë ndëshkuese-korrektuese në territorin e Republikës së Maqedonisë së Veriut. Palët u pajtuan se është i nevojshëm dinamizim i realizimit të obligimeve dhe se AZGJ-ja me kapacitetet e saj mbetet e hapur për bashkëpunim dhe mbështetje të DES-së për të gjitha çështjet që burojnë nga zbatimi i zgjidhjes së re ligjore të përdorimit të gjuhëve. Ky takim është në të mirë të përshpejtimit të zbatimit të Ligjit të Përdorimit të Gjuhëve nga ana e institucionit të lartpërmendur ku ka ngecje në këtë drejtim. Shkup, 7.10.2019 [gallery size="publisher-lg" bgs_gallery_type="slider" bgs_gallery_image_size="full" ids="2130,2133"]

Sot në zyrat e Agjencisë për Zbatimin e Gjuhës (AZGJ) në vizitë pune ishte zëvendësdrejtori i Shtëpisë Ndëshkuese-Përmirësuese, Sadush Arifi, ku në takim me drejtorin e AZGJ-së, Ylber Sela, diskutuan për obligimet që dalin nga Ligji i Përdorimit të Gjuhëve. Me këtë rast, Sadush Arifi e njoftoi drejtorin Sela mbi sfidat dhe pengesat e zbatimit të këtij Ligji në institucionet ndëshkuese-përmirësuese. Bashkëbiseduesit ranë dakord të mbajnë takime të tilla edhe në të ardhmen, të cilat do ta thellojnë bashkëpunimin e të dyja institucioneve, në drejtim të zbatimit të obligimeve që burojnë nga Ligji i Përdorimit të Gjuhëve. Shkup, 4.10.2019 [gallery size="publisher-lg" bgs_gallery_type="slider" bgs_gallery_image_size="full" ids="2112,2115"]

Përfaqësues të Agjencisë së Investimeve të Huaja dhe Promovimit të Eksportit (AIHPE) realizuan një takim informues me Agjencinë për Zbatimin e Gjuhës (AZGJ). Me këtë rast, Arben Vila, drejtor i AIHPE-së, informoi rreth aktiviteteve që kjo agjenci i ka ndërmarrë për të përmbyllur fazën e parë të zbatimit të Ligjit të Përdorimit të Gjuhëve, që përfshin ndryshimin e vulave, logove, uebfaqes dhe tabelave. Ai bëri të ditur se agjencia që e drejton tashmë ka filluar me zbatimin edhe të fazës së dytë të zbatimit të Ligjit të Përdorimit të Gjuhëve, që do të thotë se të gjitha aktet dhe dokumentet që dalin nga kjo agjenci përpilohen në dy gjuhë. Nga ana tjetër, drejtori i AZGJ-së, Ylber Sela, shprehi mirënjohjen personale dhe të agjencisë në lidhje me ecurinë e zbatimit të Ligjit të Përdorimit të Gjuhëve nga Agjencia e Investimeve të Huaja dhe Promovimit të Eksportit, duke theksuar se shembullin e kësaj agjencie duhet ta ndjekin edhe institucionet e tjera. Shkup, 4.10.2019 [gallery size="publisher-lg" bgs_gallery_type="slider" bgs_gallery_image_size="full" ids="2098,2101"]

Në kuadër të vizitave të punës që po i bën Agjencia për Zbatimin e Ligjit të Gjuhës, një takim të ngjashëm e zhvilloi edhe me përfaqësuesit e Gazetës Zyrtare të Republikës së Maqedonisë së Veriut. Drejtori i AZGJ-së, Ylber Sela, me bashkëpunëtorët e tij u prit nga drejtori i Gazetës Zyrtare, Martin Kostovski, dhe bashkëpunëtorët e tij. Me këtë rast, drejtori Sela e njoftoi homologun e tij lidhur me aktivitetet që po i zhvillon institucioni i tij për të parë nga afër gjendjen reale në fazën e parë lidhur me zbatimin e dygjuhësisë në praktikë, veçmas duke u përqendruar në lekturimin e Gazetës Zyrtare të cilën duhet ta bëjë Agjencia për Zbatimin e Gjuhës. Dhe ai ofroi mbështetje të plotë për sa i përket kësaj. Po ashtu, ai sqaroi disa dilema që shfaqen se kush duhet ta bëjë përkthimin e akteve të ndryshme, duke theksuar se ato duhet t’i bëjnë të gjitha institucionet veç e veç nëpërmjet kuadrit të punësuar dhe të sistemuar në njësi apo sektorë, dhe në këtë mënyrë Gazeta Zyrtare duhet t’i marrë si prodhime të gatshme për t’i botuar. Nga ana tjetër, po ashtu, edhe drejtori i Gazetës Zyrtare, Martin Kostovski, e informoi homologun e tij lidhur me obligimet e tij në këtë drejtim, duke folur për vështirësitë dhe dilemat që shfaqen gjatë punës së përkthimit, lekturimit dhe botimit. Në fund, të dy drejtorët ranë dakord që të gjitha këto gjëra duhet të ndjekin një dinamikë të qartë, për të mos u shfaqur asnjë vështirësi e pengësë. Në këtë aspekt ata theksuan faktin se duhet të shihen dhe shfrytëzohen përvojat e gjertanishme në Kosovë dhe Bosnjë e Hercegoninë, si një model të mundshëm për ta zbatuar edhe te ne. Të dy shprehën gatishmëri për të vazhduar takimet dhe bashkëpunimi edhe në të ardhmen për sa i përket zbatimit të Ligjit të Përdorimit të Gjuhës, veçmas nga muaji janar kur duhet të fillojë edhe faza e dytë e zbatimit të tij. Shkup, 3.10.2019 [gallery size="publisher-lg" bgs_gallery_type="slider" bgs_gallery_image_size="full" ids="2088,2085"]

Në hapësirat e Agjencisë së Ushqimit dhe Veterinarisë së Republikës së Maqedonisë së Veriut (AUV) u realizua takim pune ndërmjet Zoran Atanasov, drejtor i Agjencisë së Ushqimit dhe Veterinarisë (AUV), dhe Ylber Selës, drejtor i Agjencisë për Zbatimin e Gjuhës (AZGJ). Drejtori Sela shprehu kënaqësinë për mundësinë e realizimit të takimit të parë të punës me drejtorin Atanasov dhe e informoi bashkëbiseduesin me punën dhe kompetencat që i ka AZGJ-ja. Njëkohësisht theksoi se AZGJ-ja është e hapur për bashkëpunim me AUV-në në pjesën e informacioneve këshilluese për zbatimin e Ligjit të Përdorimit të Gjuhëve, si dhe ndihmë në sigurimin e përkthimit dhe lekturimit të formularëve dhe dokumenteve që burojnë nga puna e tanishme e AUV-së. Drejtori Atanasov theksoi se AUV-ja nuk ka kapacitete të mjaftueshme përkthimi të dokumenteve zyrtare nga maqedonishtja në shqipe dhe anasjelltas dhe në këtë aspekt kërkoi ndihmë këshilluese dhe logjistike nga AZGJ-ja për të implementuar obligimet e saj institucionale që burojnë nga Ligji i Përdorimit të Gjuhëve. Njëkohësisht, ai shprehu gatishmërinë e thellimit të mëtutjeshëm të bashkëpunimit dypalësh dhe falënderoi për qasjen pozitive dhe mbështetjen e AZGJ-së për punën e AUV-së. Shkup, 1.10.2019 [gallery size="publisher-lg" bgs_gallery_type="slider" bgs_gallery_image_size="full" ids="2071,2074"]

Ylber Sela, drejtori i Agjencisë për Zbatimin e Gjuhës (AZGJ), ishte nikoqir i delegacionit të udhëhequr nga Komisari i Lartë i Pakicave Kombëtare i OSBE-së, Lamberto Zanieri. Në takim, drejtori Sela shprehi kënaqësinë e vizitës së komisarit Zanieri dhe falënderoi atë për mundësinë e takimit në selinë e AZGJ-së. Drejtori Sela e informoi bashkëbiseduesin për punën e deritanishme, nevojën për aranzhim infrastrukturor, pajisje teknike dhe ekipim kadrovik të AZGJ-së dhe, në këtë kontekst, u shpreh i hapur për bashkëpunim me komisarin në drejtim të sigurimit të ndihmës teknike dhe punës në projekte të përbashkëta të interesit të përbashkët. Komisari Zanieri theksoi se, edhe krahas sfidave të dukshme me të cilat përballet AZGJ-ja për funksionimin e saj të tanishëm dhe arritjen e efikasitetit të plotë, vërehet vullnet i lartë te drejtori Sela dhe ekipi i tij për angazhim dhe realizim të përcaktimeve programore të planifikuara. Njëherësh, theksoi se çelësi i ndërtimit të konceptit të një shoqërie për të gjithë qytetarët bazohet te arsimi dhe se është shtylla që do të mundësojë krijimin e shoqërisë shumëgjuhëshe dhe shumetnike të qytetarëve të barabartë, në plan afatgjatë. Komisari Zanieri theksoi bashkëpunimin e shkëlqyer të deritanishëm dhe komunikimin e Misionit të OSBE-së në Shkup dhe ambasadorit Klement Koja me drejtorin Sela, si dhe theksoi dëshirën e tij për vazhdimin e mëtutjeshëm të dialogut të ndërsjellë me AZGJ-në në drejtim të realizimit të zotimeve të përbashkëta dhe sigurimit të ndihmës teknike për forcimin e kapaciteteve instituiconale të AZGJ-së. Shkup, 1.10.2019 [gallery size="publisher-lg" bgs_gallery_type="slider" bgs_gallery_image_size="full" ids="2059,2056,2053,2050,2047,2044,2041"]