Në suaza të Ditëve të Albanologjisë që u mbajtën në Tiranë, ku morën pjesë përfaqësues të institucioneve të ndryshme shkencore, po ashtu mori pjesë edhe Agjencia e Zbatimit të Gjuhës, e kryesuar nga drejtori i saj Ylber Sela dhe bashkëpunëtorët e tij. Me këtë rast ai i përshëndeti të pranishmit duke theksuar se nëpërmjet bashkëpunimit të ndërsjellë me institucionet anekënd hapësirës shqiptare dhe më gjerë, AZGJ-ja ka arritur ta afirmojë interesimin, rolin dhe angazhimin në interes të gjuhës shqipe. Duke iu përgjigjur edhe Ditëve të Albanologjisë, shtoi më tej ai, aq më tepër kemi dëshmuar se vendosmëria jonë është e plotë për t’u bërë zë i përbashkët në të gjitha strategjitë e studimeve albanologjike, veçanërisht e pjesës që ka të bëjë me gjuhën shqipe. Në fund, u ndanë edhe mirënjohje për kontributin kërkimor e shkencor të personaliteteve e të institucioneve. Me këtë rast, rektori i Akademisë së Studimeve Albanologjike, prof. dr. Luan Përzhita i dha mirënjohje edhe drejtorit të AZGJ-së, prof. dr. Ylber Selës për kontributin në aspektin e zbatimit, mbrojtjes dhe afirmimit të gjuhës shqipe. [gallery bgs_gallery_type="slider" bgs_gallery_image_size="full" size="publisher-lg" ids="7447,7450,7453,7456"]

Studiuesja shqiptare nga Tirana, Elona Gjata e vizitoi Agjencinë e Zbatimit të Gjuhës në Shkup, të cilën e priti drejtori Ylber Sela. Gjatë këtij takimi, ai e njoftoi në lidhje me punën e përditshme që po bën AZGJ-ja për zbatimin e gjuhës shqipe në institucionet shtetërore të RMV-së. Krahas kësaj, ai e njoftoi edhe me aktivitetet e tjera që po zhvillon ky institucion në interes të ruajtjes dhe afirmimit të gjuhës shqipe. Në kontekst të kësaj ata biseduan edhe për mundësinë e bashkëpunimit në të ardhmen për çështje të ndryshme që kanë të bëjnë me gjuhën shqipe. [gallery bgs_gallery_type="slider" bgs_gallery_image_size="full" size="publisher-lg" ids="7337,7340"]

Në praninë e shumë personaliteteve të shquara shqiptare të shkencës, artit, kulturës etj., në mjedisin pitoresk të Vila Parkut në Prizren, Forumi Imazh – Media organizoi një solemnitet madhështor, në të cilin i dorëzoi çmimet “Ambasador për imazhin shqiptar në botë”. Këtë çmim të rëndësishëm e mori edhe drejtori i Agjencisë së Zbatimit të Gjuhës, Ylber Sela me motivacionin për kontributin e dhënë në zbatimin e gjuhës shqipe në Maqedoninë e Veriut, si dhe për kontributin e dhënë në forcimin e marrëdhënieve mes Shqipërisë dhe Maqedonisë së Veriut. Me këtë rast, z. Sela i falënderoi përfaqësuesit e forumit në krye me drejtuesin e saj, Astrit Memia, duke theksuar se ky çmim është i dyti me radhë që më jepet sivjet, pas atij të 22 Nëntorit. Pa dyshim, shtoi më tej ai, çmimi është mirënjohje për punën që po bëjmë me ekipin tim në institucionin të cilin e udhëheq në lidhje me zbatimin e gjuhës shqipe. [gallery bgs_gallery_type="slider" bgs_gallery_image_size="full" size="publisher-lg" ids="7349,7352,7355,7358"]

Konsulli i Përgjithshëm i Republikës së Kosovës në RMV, z. Agim Krasniqi, u prit në një takim nga z. Ylber Sela, drejtor i Agjencisë së Zbatimit të Gjuhës. Gjatë takimit, drejtori Sela foli për funksionimin dhe punën e gjithanshme të këtij institucioni të rëndësishëm dhe sukseset e arritura në zbatimin e gjuhës shqipe në nivel zyrtarë, duke filluar nga themelimi e deri me sot. Ai potencoi edhe ndihmën dhe mbështetjen e institucioneve shtetërore në aspektin e përkthimit dhe lekturimit të dokumenteve dhe shkresave të ndryshme zyrtare. Z. Krasniqi e falënderoi për pritjen dhe e çmoi lartë angazhimin dhe punën që bën Agjencia dhe drejtori Sela në zbatimin e Ligjit të Zbatimit të Gjuhëve, gjithnjë në interes të qytetarëve të Republikës së Maqedonisë së Veriut.

Me rastin e shënimit të 100 vjetorit të emërimit të Hasan Prishtinës si kryeministër i Shqipërisë, në sallën e Ministrisë së Sistemit Politik në Shkup u hap ekspozita me titull “Hasan Prishtina në dokumentet arkivore”, të cilën e organizuan Instituti i Trashëgimisë Shpirtërore dhe Kulturore të Shqiptarëve dhe Drejtoria e Përgjithshme e Arkivave të Shqipërisë. Para pjesëmarrësve folën zëvendëskryeministri i parë i Qeverisë së RMV-së, Artan Grubi, drejtori i ITSHKSH-së, Skender Asani, drejtori i përgjithshëm i APSH-së, Ardit Bido dhe pasardhësi i familjes së Hasan Prishtinës, Mehmet Prishtina. Krahas kësaj, po ashtu, drejtori i përgjithshëm i Arkivave të Shqipërisë, Artan Bido e vizitoi edhe Agjencinë e Zbatimit të Gjuhës, të cilin e priti drejtori i saj Ylber Sela. Me këtë rast ai u njoftua lidhur me punën e vazhdueshme që po bën ky institucion lidhur me zbatimin e gjuhës shqipe në nivele zyrtare, duke i mbështetur dhe ndihmuar institucionet shtetërore në aspektin e përkthimit dhe të lekturimit të dokumenteve dhe të shkresave të tjera zyrtare. [gallery bgs_gallery_type="slider" size="publisher-lg" bgs_gallery_image_size="full" ids="7275,7278,7281"]

Ushtruesi i detyrës, drejtor organizativ i ISHP Klinikës Universitare të Neurologjisë, Alajdin Havziu, sot vizitoi AZGj-në, ku u prit nga drejtori i saj, Ylber Sela. Në këtë takim, të dy bashkëbiseduesit diskutuan në lidhje me zbatimin e Ligjit të Përdorimit të Gjuhëve në punën e këtij institucioni shëndetësor. Drejtori Sela, pas shqyrtimit të gjendjes në klinikë, i ofroi mbështetje të plotë në lidhje me zbatimin e dispozitave ligjore, me ndihmë profesionale nga AZGJ-ja në lidhje me përkthimin dhe lekturimin e formularëve dhe akteve të ndryshme në përdorim zyrtar. Drejtori Havziu e falënderoi për mbështetjen dhe ndihmën e ofruar, duke premtuar se do të përpiqet për zbatimin e gjuhës shqipe në klinikë sipas detyrimeve ligjore. [gallery size="publisher-lg" bgs_gallery_type="slider" bgs_gallery_image_size="full" ids="7263,7266"]

Drejtori i Agjencisë së Zbatimit të Gjuhës (AZGJ), Ylber Sela, i shoqëruar nga ekipi i tij, sot ka vizituar SHA “MEPSO”-n, ku ka pasur takim pune me drejtorin e përgjithshëm, kryetarin e Bordit Drejtues, Kushtrim Ramadani, ku morën pjesë edhe anëtarë të Bordit Drejtues të SHA “MEPSO”. Vizita u realizua me nismë të drejtorit Sela, për ta parë situatën rreth zbatimit të Ligjit të Përdorimit të Gjuhëve në SHA “MEPSO”, u diskutua për disa dilema dhe vendosjen e bashkëpunimit ndërmjet dy palëve për çështjet që kanë të bëjnë me përdorimin e gjuhëve zyrtare. Për shkak të zhvillimit të pandërprerë të proceseve të punës, drejtori Sela ofroi mbështetje në pjesën e ndihmës profesionale për lekturimin e formularëve dhe dokumenteve zyrtare. Nga ana tjetër, z. Ramadani e njoftoi bashkëbiseduesin për hapat e deritanishëm në zbatimin e ligjit dhe shprehu gatishmërinë dhe vullnetin për përmirësimin dhe avancimin e situatës sa i përket përdorimit të gjuhës shqipe, përmes procesit të bashkëpunimit dhe me mbështetjen e AZGJ-së. Në fund të takimit, drejtori Sela i dorëzoi bashkëbiseduesit një komplet botimesh të botuara nga AZGJ-ja, lidhur me zbatimin e Ligjit të Përdorimit të Gjuhëve. [gallery size="publisher-lg" bgs_gallery_type="slider" bgs_gallery_image_size="full" ids="7248,7251,7254"]

Agjencinë e Zbatimit të Gjuhës të RMV-së sot e vizitoi drejtori i Inspektoratit të Përdorimit të Gjuhëve, z. Fatmir Iseni, i cili u mirëprit nga kolegu i tij, drejtori Ylber Sela. Tema e bisedës së takimit të punës ishte zbatimi i Ligjit të Përdorimit të Gjuhëve dhe vështrimi i gjendjes në raport me zbatimin e deritanishëm të saj. Drejtori Sela u njoh me vijimin e përgatitjeve të Inspektoratit në pjesën e licencimit të inspektorëve, të cilët do të kryejnë mbikëqyrje dhe monitorim inspektues lidhur me zbatimin e Ligjit të Përdorimit të Gjuhëve në nivel institucional, njëkohësisht i ofroi edhe mbështetje drejtorit Iseni në pjesën e fillimit të aktiviteteve në terren për përcaktimin e gjendjes faktike lidhur me zbatimin e tërësishëm dhe konsekuent të aktvendimit ligjor, nëpërmjet zbatimit joselektiv të instrumenteve të mbikëqyrjes inspektuese. Të dy bashkëbiseduesit u dakorduan se bashkëpunimi mes AZGJ-së dhe Inspektoratit të Përdorimit të Gjuhëve është në një nivel të lartë dhe se interesi i përbashkët është sigurimi i mundësive të njëjta të qytetarëve gjatë realizimit dhe mbrojtjes së të drejtave të tyre, me respektimin e ligjit në aspektin e realizimit të përpjekjeve qeveritare për krijimin e një shoqërie për të gjithë qytetarët. [gallery bgs_gallery_type="slider" bgs_gallery_image_size="full" size="publisher-lg" ids="7206,7209"]

Drejtori i Agjencisë së Zbatimit të Gjuhës, Ylber Sela, sot ka realizuar takim pune me drejtorin e Qendrës për Arsim Profesional dhe Trajnime, z. Sherif Miftari dhe Ali Shahini përkthyes profesional në këtë institucion, i cili siguron përkrahje dhe zhvillim të arsimit profesional në të gjitha subjektet e interesuara për arsim profesional në Republikën e Maqedonisë së Veriut. Gjatë këtij takimi drejtori Sela dhe drejtori i Qendrës për Arsim Profesional dhe Trajnime biseduan lidhur me Zbatimin e Ligjit të Përdorimit të Gjuhëve në institucionet shtetërore, ndërkaq drejtori Sela ofroi mbështetje për lekturë të të gjitha materialeve nga drejtimet dhe programet mësimore që ata i përgatisin. Bashkëbiseduesit u dakorduan për bashkëpunime të mëtejshme në të ardhmen mes dy institucioneve, në mënyrë që nxënësve t’u sigurohet mësim programor sa më cilësor. Drejtori Sela edhe njëherë apelon te të gjitha institucionet që kanë nevojë për lekturë profesionale, të materialeve që kanë rëndësi të veçantë për gjuhën, të dërgohen te ne në Agjenci, në mënyrë që të kemi përkthime sa më cilësore dhe më pak gabime gjuhësore. [gallery bgs_gallery_type="slider" bgs_gallery_image_size="full" size="publisher-lg" ids="7181,7193,7184"]

Sot, delegacioni i Agjencisë Turke për Bashkëpunim dhe Koordinim - TIKA në Republikën e Maqedonisë së Veriut, e udhëhequr nga z. Halim Omer Sogut, koordinator programi i TIKA-s në Shkup, e vizitoi Agjencinë e Zbatimit të Gjuhës së RMV-së, me ç’rast u mirëprit nga drejtori Ylber Sela. Vizita e delegacionit të TIKA-s është vizitë kthyese në Agjenci pas takimit të punës së drejtorit Sela me ekipin e tij në selinë e TIKA-s në Shkup, në shtator të këtij viti. Drejtori Sela e shprehu kënaqësinë e tij ndaj bashkëbiseduesit për zhvillimin pozitiv të deritanishëm të marrëdhënieve me TIKA-n, ku u diskutua për mbështetjen e mundshme nga TIKA për furnizimin e pajisjeve teknike për nevojat e AZGJ-së në kryerjen e trajnimeve dhe trajnime të specializuara për përkthim simultan, si dhe organizimin e manifestimeve dhe promovimeve në shqip, në turqisht, në maqedonisht dhe në gjuhë të tjera të pjesëtarëve të komuniteteve, si dhe realizimin e një vizite studimore të ekipit të Agjencisë të institucioneve simotra, si dhe atyre shkencore-arsimore në Republikën e Turqisë. Të dyja palët ranë dakord që AZGJ-ja dhe TIKA hodhën themelet për miqësi të fortë dhe bashkëpunim të ndërsjellë, që do të vazhdojë të zhvillohet në të ardhmen. [gallery size="publisher-lg" bgs_gallery_type="slider" bgs_gallery_image_size="full" ids="7142,7139"]

Gjatë vizitës në Tiranë, një delegacion i Agjencisë së Zbatimit të Gjuhës, të kryesuar nga drejtori Ylber Sela, u takua edhe me zëvendësrektorin e Akademisë së Studimeve Albanologjike, Valter Memisha. Me këtë rast, me ndihmën e tij arriti të sigurojë një numër të konsiderueshëm fjalorësh të ndryshëm, sidomos fjalorët terminologjikë nga fusha të ndryshme. Tanimë këta fjalorë do ta pasurojnë bibliotekën e AZGJ-së, për nevojat e përkthyesve dhe të lektorëve. [gallery size="publisher-lg" bgs_gallery_type="slider" bgs_gallery_image_size="full" ids="7125,7128"]

Gjatë ditës së djeshme, Agjencinë e Zbatimit të Gjuhës të RMV-së e vizitoi drejtori i Muzeut Historik Kombëtar të Shqipërisë, Dorian Koçi, të cilin e priti homologu i tij Ylber Sela. Me këtë rast drejtori i AZGJ-së, Ylber Sela e njoftoi atë lidhur me punën që po bën ky institucion në aspektin e zbatimit të gjuhës shqipe në nivelet zyrtare. Po ashtu, të dy homologët shkëmbyen shumë ide duke biseduar edhe mundësinë e bashkëpunimit ndërmjet këtyre dy institucioneve. [gallery bgs_gallery_type="slider" size="publisher-lg" bgs_gallery_image_size="full" ids="7113,7116"]