Post image
Agjencia për Zbatimin e Gjuhës – pjesë e aktiviteteve për Ditët e Alfabetit

Nov 14, 2019

Në suaza të bashkëpunimit ndërmjet Agjencisë për Zbatimin e Gjuhës dhe Institutit të Trashëgimisë Shpirtërore e Kulturore të Shqiptarëve sot në Manastir filluan aktivitetet për shënimin e 111-vjetorit të Ditës së Alfabetit të Gjuhës Shqipe. Në këtë aktivitet morën pjesë funksionarë politikë, dashamirë të kulturës etj. Para të pranishmëve foli drejtori i ITSHKSH-së në Shkup – dr. Skender Asani, zëvendëskryeministri Sadulla Duraku, pasardhësi i familjes së Hasan Prishtinës – Mehmet Prishtina, drejtori i Muzeut të Alfabetit të Gjuhës Shqipe në Manastir – Nuer Arsllani. Po ashtu, fjalë përshëndetëse mbajti edhe drejtori i AZGJ-së, dr. Ylber Sela, i cili, mes të tjerash, tha: “Gjuha njihet si një nga karakteristikat themelore të një identiteti etnik të një populli. Në vitin 1908 u unifikua alfabeti, kurse tash kemi nisur të unifikojmë terminologjinë e fushave të ndryshme.” Me këtë rast, u promovua edhe libri “Lëvizja protestante te shqiptarët” e autorit Dejvid Hosaflluk. Fjalë rasti për librin kishte dr. Jorina Kryeziu-Shkreta, Ledio Hala dhe Bertina Salliu. Pas tyre, foli edhe vetë autori i librit, i cili u përqendrua në historikun e lëvizjes protestante te shqiptarët, veçanërisht për kontributin e tyre në Manastir, ku u mbajt Kongresi i Alfabetit. [gallery bgs_gallery_type="slider" size="publisher-lg" bgs_gallery_image_size="full" ids="2663,2666,2669,2672,2675"]

Post image
Përfaqësuesja e Misionit të OSBE-së në Shkup për vizitë pune në Agjencinë për Zbatimin e Gjuhës

Nov 12, 2019

Drejtori i Agjencisë për Zbatimin e Gjuhës, Ylber Sela, realizoi takim pune me Tatijana Temellkoska, përfaqësuese e Misionit të OSBE-së në Shkup. Takimi i sotëm është vazhdim i dialogut dhe bashkëpunimit të shkëlqyeshëm ndërmjet AZGJ-së dhe OSBE-së, i vendosur që nga themelimi i Agjencisë. Në takim, drejtori Sela e informoi bashkëbiseduesin e tij me projektet e planifikuara si pjesë e prioriteteve strategjike të AZGJ-ës dhe kërkoi mbështetje dhe specifikim të modaliteteve për bashkëpunim të përbashkët me Misionin e OSBE-së, për projekte që synojnë forcimin e konceptit të shtetit shumetnik, promovimin e dialogut dhe bashkëjetesës përmes zbatimit të programeve trajnuese për përkthyesit dhe lektorët, si dhe fushata për të promovuar përfitimet nga mësimi i më shumë gjuhëve që na mundësojnë shkëmbimin e vlerave të përbashkëta të tolerancës që nga mosha e hershme apo në ciklin arsimor. Përfaqësuesja e OSBE-së, Temellkoska, informoi rreth aktiviteteve dhe kontributit të OSBE-së në hartimin e Strategjisë nacionale për zhvillimin e konceptit të një shoqërie dhe ndërkulturalizmit duke theksuar rëndësinë dhe rolin e AZGJ-së në procesin e promovimit dhe mbrojtjes së të drejtave gjuhësore të qytetarëve, si dhe mbështetjen e institucioneve të sektorit publik në zbatimin e detyrimeve ligjore për përdorimin e gjuhëve. Në këtë kontekst, të dyja palët ranë dakord që ka akoma procese dhe politika të vjetra në shoqëri që shpiejnë në paragjykime, përçarje dhe jotolerancë të cilat nuk kontribuojnë në forcimin e konceptit qytetar të një shoqërie moderne demokratike të qytetarëve të barabartë dhe se do të nevojitet më shumë kohë, përpjekje, por dhe aktivitete të përbashkëta që do të rezultojnë në ndërgjegjësimin e shoqërisë për përfitimet që ofron një koncept i tillë. [gallery bgs_gallery_type="slider" bgs_gallery_image_size="full" size="publisher-lg" ids="2648"]

Post image
AZGJ-ja dhe ASHAM-i së shpejti do të nënshkruajnë memorandum bashkëpunimi

Nov 6, 2019

Drejtori i Agjencisë për Zbatimin e Gjuhës, Ylber Sela, sot u takua me kryetarin e Akademisë së Shkencave dhe Arteve të Maqedonisë së Veriut – akademikun Taki Fiti për të parë nga afër nëse ky institucion i lartë shkencor ka filluar zbatimin e fazës së parë nga obligimet që burojnë nga Ligji i Përdorimit të Gjuhëve. Gjatë takimit u vërejt se ASHAM-i vonon në zbatimin e fazës së parë nga obligimet që dalin nga Ligji i Përdorimit të Gjuhëve, me ç’rast akademiku Fiti shfaqi gatishmëri që, pas ndryshimit të Ligjit të ASHAM-it, do të jenë të gatshëm të bëjnë ndryshimet e nevojshme për të zbatuar procedurat ashtu siç i parashikon Ligji. Drejtori Sela me këtë rast tha se Zbatimi i Gjuhës shqipe nga ana e këtij institucioni të lartë shkencor, siç është ASHAM-i, do të ishte shembull dhe motiv shtesë edhe për institucionet e tjera shkencore dhe kulturore në vend duke pasur parasysh gjuhën e tjetrit si vlerë dhe jo si hendikep. Kryetari i ASHAM-it, akademiku Taki Fiti, falënderoi drejtorin Sela për këto takime të rëndësishme që i realizon nëpër institucione të vendit, duke ofruar mbështetje dhe ndihmë për zbatimin zyrtar të gjuhës shqipe, ashtu siç e parashikon edhe vetë Ligji i Përdorimit të Gjuhëve. ASHAM-i, u shpreh akademiku Taki Fiti, në kryesinë e saj numëron edhe 4 akademikë të lartë shkencorë me kombësi shqiptare dhe se domosdoshmërisht zbatimi i gjuhës shqipe në punën e tyre do të jetë e pashmangshme, duke mos anashkaluar faktin se do të duhet të angazhohet kuadër profesional për të ndjekur punën e këtij institucioni. Krejt në fund të takimit palët shprehën interes të përbashkët për të nënshkruar memorandum bashkëpunimi si bazë për shkëmbimin e përvojave institucionale. [gallery size="publisher-lg" bgs_gallery_type="slider" bgs_gallery_image_size="full" ids="2422,2425"]

Post image
Delegacion i Agjencisë për Zbatimin e Gjuhës në takim me kreun e KSHZ-së

Oct 30, 2019

Duke pasur parasysh paralajmërimin e Qeverisë së RMV-së për një cikël të ri zgjedhjesh në prill të vitit të ardhshëm, Drejtori i Agjencisë për Zbatimin e Gjuhës, Ylber Sela, sot realizoi takim pune me kreun e KSHZ-së për të ofruar mbështetetjen e tij në zbatimin sa më të drejtë të gjuhës shqipe në materialet që do të duhet të përgatiten për mbarëvajtjen e këtij procesi. Kryetari i KSHZ-së, Oliver Derkovski, i shoqëruar nga nënkryetarja Ditmire Shehu dhe anëtarët tjerë të KSHZ-së, shprehu kënaqësinë nga interesi i drejtorit Sela për të ndihmuar institucionet e vendit në zbatimin e drejtë të Ligjit për Përdorimin e Gjuhëve duke e njohur atë se KSHZ-ja sigurisht se do të ketë nevojë për një kuadër profesional përkthyesish për shkak të kompleksitetit të materialeve dhe se do të jetë i gatshëm të respektojë të gjitha dispozitat ligjore që i parasheh Ligji për Përdorimin e Gjuhëve. Drejtori i Agjencisë për Zbatimin e Gjuhës, Ylber Sela, tha se Institucioni që drejton ai i është qasur me seriozitet zbatimit të drejtë të Ligjit për Përdorimin e Gjuhëve nëpër institucione, prandaj tashmë në të gjitha institucionet ka dërguar pyetësor në formë ankete për t’u njohur nga afër me nevojën e tyre për të përfshirë kuadër profesional në përpilimin e materialeve dygjuhësore. Shkup, 29.10.2019 [gallery size="publisher-lg" bgs_gallery_type="slider" bgs_gallery_image_size="full" ids="2357,2360"]

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk