Drejtori i AZGJ-së, Ylber Sela, priti në zyrën e tij Kimo Lahdevirtën, ambasadorin jorezident të Republikës së Finlandës në Republikën e Maqedonisë së Veriut. Në takim, drejtori Sela e përshëndeti vizitën e ambasadorit Lahdevirta në AZGJ si përfaqësuesi i një vendi me traditë dhe përvojë të madhe në zbatimin e konceptit qytetar të shumëgjuhësisë, duke pasur parasysh se finlandishtja dhe suedishtja janë gjuhë zyrtare në Republikën e Finlandës. Njëherazi, drejtori Sela e informoi ambasadorin Lahdevirta për punën e deritashme të AZGJ-së, aktivitetet e planifikuara për vitin 2020 si dhe për sfidat me të cilat ballafaqohet AZGJ-ja në aspekt të nevojës për plotësimin e ekipit me kuadër dhe në aspektin teknik për arritje të kapaciteteve të plota operative të institucionit. Ambasadori Lahdevirta e vlerësoi si tejet pozitive dhe të vlefshme vizitën e tij në AZGJ me ç’rast i paraqiti përvojat e veta nga modeli finlandez rreth zbatimit të përdorimit të gjuhëve zyrtare, duke shprehur gatishmërinë e tij për sigurimin e kontakteve relevante nga pala finlandeze për realizimin e vizitave dypalëshe në nivel ekspertësh. Të dyja palët u angazhuan për vazhdimin e dialogut dhe shprehën gatishmëri për inicimin e bashkëpunimit në fusha me interes të përbashkët. [gallery size="publisher-lg" bgs_gallery_type="slider" bgs_gallery_image_size="full" ids="2725,2728"]

Në vazhdën e aktiviteteve në kuadër të manifestimit kulturoro-shkencor për shënimin e 111-vjetorit të Kongresit të Manastirit sot u promovua libri i Remzi Nesimit “Për gjuhën shqipe” dhe vëllimi 24 i revistës “Scupi”, ku janë botuar punimet e sesionit shkencor me titull “Kontributi i profesorit Remzi Nesimi për gjuhën shqipe dhe gjuhësinë shqiptare”. Në këtë manifestim mori pjesë edhe drejtori i Agjencisë për Zbatimin e Gjuhës, Ylber Sela. Në praninë e familjarëve e kolegëve të Katedrës së Gjuhës dhe Letërsisë Shqiptare të Universitetit “Shën Kirili dhe Metodi”, aty ku për shumë vjet punoi profesori Remzi Nesimi, u fol shumë për kontributin dhe veprën e tij me të cilën la gjurmë të thella në gjuhësinë shqiptare. Fjalë rasti para të pranishmëve mbajti profesori dr. Avzi Mustafa, gjuhëtarët dr. Qemal Murati e dr. Hidajete Azizi, ashtu si edhe redaktori përgjegjës – dr. Zeqirija Ibrahimi. Me këtë rast ata theksuan se profesor Remziu ishte personalitet i shquar i botës intelektuale shqiptare, i cili ka dhënë kontribut të çmuar në shkencat filologjike, në fushën e dialektologjisë duke promovuar pasuritë shpirtërore e gjuhësore dhe vlerat e kulturës shqiptare, në përgjithësi. [gallery size="publisher-lg" bgs_gallery_type="slider" bgs_gallery_image_size="full" ids="2709,2712,2715"]

https://www.youtube.com/watch?v=0X4Meq370nc&feature=emb_title

Përfaqësuesi i Agjencisë për Zbatimin e Gjuhës mori pjesë në organizimin që u bë nga Qendra për Integrim dhe Zhvillim në lidhje me hulumtimin për zbatimin e Ligjit mbi Përdorimin e Gjuhëve, me ç’rast përfaqësuesi i Agjencisë, Pleurat Ajazi, kishte edhe fjalë përshëndetëse. Në këtë takim u paraqitën konkluzat e hulumtimit nga doc. dr. Argëtim Saliu, konkluza të cilat Agjencia për Zbatimin e Gjuhës i përshëndet pasi janë një hap në drejtimin e duhur për zbatimin e plotë të Ligjit mbi Përdorimin e Gjuhëve. Njëkohësisht, shfrytëzojmë rastin të inkurajojmë gjithë sektorin civil të ndërmarrin hapa në lidhje me informimin dhe ngritjen e vetëdijes së qytetarëve për përfitimet nga zbatimi i këtij ligji. [gallery size="publisher-lg" bgs_gallery_type="slider" bgs_gallery_image_size="full" ids="2689,2692,2695"]

Ky ështe fjalimi i drejtorit të AZGJ-së, Ylber Sela, me rastin e shënimit të 111-vjetorit të Ditës së Alfabetit të Gjuhës Shqipe https://www.youtube.com/watch?v=lDkEZA9joM8

Në suaza të bashkëpunimit ndërmjet Agjencisë për Zbatimin e Gjuhës dhe Institutit të Trashëgimisë Shpirtërore e Kulturore të Shqiptarëve sot në Manastir filluan aktivitetet për shënimin e 111-vjetorit të Ditës së Alfabetit të Gjuhës Shqipe. Në këtë aktivitet morën pjesë funksionarë politikë, dashamirë të kulturës etj. Para të pranishmëve foli drejtori i ITSHKSH-së në Shkup – dr. Skender Asani, zëvendëskryeministri Sadulla Duraku, pasardhësi i familjes së Hasan Prishtinës – Mehmet Prishtina, drejtori i Muzeut të Alfabetit të Gjuhës Shqipe në Manastir – Nuer Arsllani. Po ashtu, fjalë përshëndetëse mbajti edhe drejtori i AZGJ-së, dr. Ylber Sela, i cili, mes të tjerash, tha: “Gjuha njihet si një nga karakteristikat themelore të një identiteti etnik të një populli. Në vitin 1908 u unifikua alfabeti, kurse tash kemi nisur të unifikojmë terminologjinë e fushave të ndryshme.” Me këtë rast, u promovua edhe libri “Lëvizja protestante te shqiptarët” e autorit Dejvid Hosaflluk. Fjalë rasti për librin kishte dr. Jorina Kryeziu-Shkreta, Ledio Hala dhe Bertina Salliu. Pas tyre, foli edhe vetë autori i librit, i cili u përqendrua në historikun e lëvizjes protestante te shqiptarët, veçanërisht për kontributin e tyre në Manastir, ku u mbajt Kongresi i Alfabetit. [gallery bgs_gallery_type="slider" size="publisher-lg" bgs_gallery_image_size="full" ids="2663,2666,2669,2672,2675"]

Sot, në studion e TVM2, në programin e mëngjesit të moderatores Aida Ziberi, ishin të ftuar dr. Jorina Kryeziu – përfaqësuese e Qendrës së Botimeve Zyrtare të Shqipërisë dhe Ahmet Selmani – udhëheqës i Sektorit të Përkthimit dhe Lekturës në Agjencinë për Zbatimin e Gjuhës. Gjatë kësaj bisede u fol konkretisht për bashkëpunimin ndërmjet këtyre dy institucioneve, për sfidat që shfaqen gjatë punës së vijueshme, për dilemat dhe vështirësitë në përkthim, për ndihmën e ndërsjellë etj. Me këtë rast bashkëbiseduesit i sqaruan aspektet kryesore të punës që bëhet, si dhe aktivitetet konkrete që zhvillohen nga ana e këtyre dy institucioneve. LINKU

Drejtori i Agjencisë për Zbatimin e Gjuhës, Ylber Sela, realizoi takim pune me Tatijana Temellkoska, përfaqësuese e Misionit të OSBE-së në Shkup. Takimi i sotëm është vazhdim i dialogut dhe bashkëpunimit të shkëlqyeshëm ndërmjet AZGJ-së dhe OSBE-së, i vendosur që nga themelimi i Agjencisë. Në takim, drejtori Sela e informoi bashkëbiseduesin e tij me projektet e planifikuara si pjesë e prioriteteve strategjike të AZGJ-ës dhe kërkoi mbështetje dhe specifikim të modaliteteve për bashkëpunim të përbashkët me Misionin e OSBE-së, për projekte që synojnë forcimin e konceptit të shtetit shumetnik, promovimin e dialogut dhe bashkëjetesës përmes zbatimit të programeve trajnuese për përkthyesit dhe lektorët, si dhe fushata për të promovuar përfitimet nga mësimi i më shumë gjuhëve që na mundësojnë shkëmbimin e vlerave të përbashkëta të tolerancës që nga mosha e hershme apo në ciklin arsimor. Përfaqësuesja e OSBE-së, Temellkoska, informoi rreth aktiviteteve dhe kontributit të OSBE-së në hartimin e Strategjisë nacionale për zhvillimin e konceptit të një shoqërie dhe ndërkulturalizmit duke theksuar rëndësinë dhe rolin e AZGJ-së në procesin e promovimit dhe mbrojtjes së të drejtave gjuhësore të qytetarëve, si dhe mbështetjen e institucioneve të sektorit publik në zbatimin e detyrimeve ligjore për përdorimin e gjuhëve. Në këtë kontekst, të dyja palët ranë dakord që ka akoma procese dhe politika të vjetra në shoqëri që shpiejnë në paragjykime, përçarje dhe jotolerancë të cilat nuk kontribuojnë në forcimin e konceptit qytetar të një shoqërie moderne demokratike të qytetarëve të barabartë dhe se do të nevojitet më shumë kohë, përpjekje, por dhe aktivitete të përbashkëta që do të rezultojnë në ndërgjegjësimin e shoqërisë për përfitimet që ofron një koncept i tillë. [gallery bgs_gallery_type="slider" bgs_gallery_image_size="full" size="publisher-lg" ids="2648"]

Vizita e paradokohshme e përfaqësuesve të Agjencisë për Zbatimin e Gjuhës në Tiranë po jep rezultatet e para të bashkëpunimit. Kështu, sot në këtë institucion qëndroi dr. Jorina Kryeziu, përfaqësuese e fushës gjuhësore e Qendrës së Botimeve Zyrtare të Shqipërisë, e cila do të qëndrojë me shërbim për tri ditë. Në takimin e sotëm Jorina u njoftua me punën e Agjencisë për Zbatimin e Gjuhës, nga ana e drejtorit Ylber Sela. Pastaj, ajo paraqiti përvojën e saj para përkthyesve të AZGJ-së, duke u ndalur konkretisht në mëdyshjet dhe vështirësitë që dalin gjatë punës së vijueshme. Si domosdoshmëri për t’i tejkaluar të gjitha këto, u theksua nevoja e krahasimit të akteve të përkthyera me tekstin origjinal, ose ndryshe konfrontimin fjalë për fjalë, siç quhet në Fletoren Zyrtare të Republikës së Shqipërisë. Po ashtu, u zhvillua edhe një bisedë dhe shkëmbim përvojash ndërmjet zonjës Kryeziu dhe përkthyesve të Agjencisë, për çështje të ndryshme lidhur me aspektin tekniko-profesional e gjuhësor. Gjatë dy ditëve të ardhshme janë paraparë edhe konsultime e bisedime për sa i përket përkthimit dhe lekturës. [gallery bgs_gallery_type="slider" size="publisher-lg" bgs_gallery_image_size="full" ids="2630,2633,2636,2639"]

Sot në Agjencinë për Zbatimin e Gjuhës në Shkup mbajti një ligjëratë profesori Xhelal Zejneli. Para të pranishmëve ai foli për përvojën e tij si përkthyes shumëvjeçar duke e paraqitur si një model të mundshëm për ta zbatuar edhe në këtë institucion të sapoformuar. Veçanërisht u përqendrua në hierarkinë e punës së përkthimit, si një proces i domosdoshëm për të arritur te një cilësi sa më e lartë e tekstit të përkthyer. Ai theksoi rëndësinë e përkthimeve profesionale të cilat kanë nevojë për më shumë kujdes dhe seriozitet. Po ashtu, profesori Zejneli dha edhe disa këshilla dhe sugjerime të cilat do të mund të zbatohen në Agjencinë për Zbatimin e Gjuhës dhe do të ishin në shërbim të punëtorëve në këtë institucion. [gallery size="publisher-lg" bgs_gallery_type="slider" bgs_gallery_image_size="full" ids="2615,2618,2621"]