Drejtori Sela, fjalë përshëndetëse me rastin e 7 Marsit – Ditës së Mësuesit
Mar 9, 2020
Me rastin e 7 Marsit - Ditës së Mësuesit, Instituti i Trashëgimisë Shpirtërore dhe Kulturore të Shqiptarëve, në hapësirat e tij, mbajti tribunën shkencore me temë: Gjendja e arsimit në vend, sfidat dhe perspektivat, ku me pjesëmarrjen e dhjetëra studiuesve dhe punonjësve arsimorë u diskutua dhe u dhanë mendime si dhe ide frytdhënëse për temën në fjalë. Pas hapjes së tribunës nga organizatorja dhe punonjësja e këtij instituti, si dhe rezymesë së shkurtër të arsimit shqip, rolit të shkollave shqipe dhe arsimtarëve me misionin të tyre ndër shekuj, fjalë përshëndetëse pati drejtori i këtij instituti, z. Skender Asani, i cili foli për aspektin historik të kësaj ngjarjeje të rëndësishme të Rilindjes Kombëtare. Po ashtu fjalë përshëndetëse pati edhe këshilltari shtetëror i Ministrisë së Arsimit dhe Shkencës, z. Safet Neziri, i cili të pranishmëve ua përcolli përshëndetjet e ministrit të Arsimit, Arbër Ademit. Manifestimin e përshëndeti edhe drejtori i Agjencisë së Zbatimit të Gjuhës, z. Ylber Sela, ku mes tjerash tha: Festa e 7 Marsit është një traditë e bukur e krijuar tek populli ynë. Në këtë ditë të rëndësishme të arsimit shqiptar, kujtojmë me respekt të veçantë veprën e çmuar të mësuesve, arsimdashësve dhe atdhetarëve të shquar, që punuan me përkushtim dhe bënë sakrifica të mëdha për zhvillimin e arsimit kombëtar në Maqedoninë e Veriut. Pas fjalës përshëndetëse të kryetarit të Lidhjes së Arsimtarëve Shqiptarë, z. Nuhi Dardhishta, dhjetra studiues, pjesëmarrës në këtë tribunë shkencore, trajtuan aspektin shkencor, ligjor dhe historik të sfidave dhe avancimit të arsimit shqip; si: Abdyrauf Pruthi, Hasan Jashari, Ajten Qamili, Avni Avdiu, Tahir Zajazi, Minir Ademi, Xheladin Murati, Lulzim Mehmedi etj. [gallery bgs_gallery_image_size="full" bgs_gallery_type="slider" size="publisher-lg" ids="3893,3896"]
Drejtori i AZGJ-së Ylber Sela vizitoi Qendrën Nacionale të Konservimit
Mar 3, 2020
Sot, drejtori i AZGJ-së Ylber Sela takoi drejtorin e Qendrës Nacionale të Konservimit, Memet Selmanin për të parë nga afër se deri ku ka arritur kjo qendër me zbatimin e Ligjit për Përdorimin e Gjuhëve. Gjatë këtij takimi, drejtori Selmani foli për sfidat me të cilat ballafaqohet kjo qendër, në radhë të parë me detyrat e saj, siç është rikonstruimi i objekteve të trashëgimisë kulturore e fetare. Sa i përket zbatimit të Ligjit për Përdorimin e Gjuhëve, Selmani theksoi se deri tani është bërë mjaft, por shtoi se nevojitet edhe shumë punë deri në zbatimin e plotë të tij. Me këtë rast, drejtori Sela i ofroi ndihmë dhe përkrahje institucionale homologut të tij për realizimin e të gjitha detyrimeve që dalin nga zbatimi i ligjit. [gallery bgs_gallery_type="slider" bgs_gallery_image_size="full" size="publisher-lg" ids="3840"]
Pasardhësi i heroit kombëtar Hasan Prishtina viziton AZGJ-në
Mar 2, 2020
Sot në Agjencinë për Zbatimin e Gjuhës qëndroi Mehmet Prishtina, pasardhësi i familjes së heroit Hasan Prishtina, i shoqëruar nga Skender Asani dhe Hysen Berisha. Në shenjë falënderimi për punën dhe misionin e kësaj agjencie, drejtorit të saj Ylber Sela ia dhuroi një fotografi me portretin e figurës së Hasan Prishtinës . Me këtë rast, drejtori Sela e njoftoi mikun Mehmet Prishtina me punën e deritashme të AZGJ-së dhe pengesat e ndryshme që shfaqen gjatë zbatimit të gjuhës në institucionet shtetërore. Mehmet Prishtina përgëzoi drejtorin Sela për punën e bërë duke i uruar të vazhdojë me po të njëjtin seriozitet dhe profesionalizëm. [gallery bgs_gallery_image_size="full" bgs_gallery_type="slider" size="publisher-lg" ids="3806,3809,3812"]
Drejtori Ylber Sela mori pjesë në shënimin e 576-vjetorit të Besëlidhjes së Lezhës
Mar 2, 2020
Drejtori i Agjencisë për Zbatimin e Gjuhës, Ylber Sela sot mori pjesë në shënimin e 576-vjetorit të Besëlidhjes së Lezhës, të organizuar nga Instituti i Trashëgimisë Shpirtërore e Kulturore të Shqiptarëve, ku njëkohësisht u bë edhe promovimi i veprimtarisë shkencore-hulumtuese dhe botuese të këtij institucioni gjatë vitit 2019. Për rëndësinë e kësaj date të shënuar, folën disa nga personalitetet e jetës sonë institucionale, shkencore, kulturore e arsimore, duke vënë në pah edhe punën mjaft të suksesshme të këtij instituti. [gallery size="publisher-lg" bgs_gallery_type="slider" bgs_gallery_image_size="full" ids="3823,3826,3829"]
Takim i drejtorit Sela në Drejtorinë e Mbrojtjes dhe Shpëtimit
Feb 28, 2020
Drejtori i Agjencisë për Zbatimin e Gjuhës (AZGJ), Ylber Sela, ka vizituar Drejtorinë e Mbrojtjes dhe Shpëtimit (DMSH) ku kishte takim pune me drejtorin, Adnan Xhaferoski. Në takim u diskutuan çështje që lidhen me zbatimin e zgjidhjes ligjore për përdorimin e gjuhëve në punën e përditshme të drejtorisë. Me këtë rast, drejtori Sela u informua nga drejtori Xhaferoski për situatën në këtë institucion dhe ofroi ndihmë profesionale në pjesën e përkthimeve dhe lektorimin e botimeve zyrtare për nevojat e Drejtorisë. Të dyja palët shprehën gatishmërinë e tyre për të vazhduar dhe forcuar edhe më tej bashkëpunimin midis dy institucioneve. [gallery bgs_gallery_type="slider" size="publisher-lg" bgs_gallery_image_size="full" ids="3775"]
Drejtori Sela vizitoi Agjencinë e Barnave dhe Pajisjeve Mjekësore
Feb 28, 2020
Drejtori i Agjencisë për Zbatimin e Gjuhës (AZGJ), Ylber Sela, vizitoi Agjencinë e Barnave dhe të Pajisjeve Mjekësore (MALLMED) ku realizoi takim pune me drejtoreshën Visara Riza. Në takim, drejtori Sela theksoi se AZGJ-ja gjithmonë do të mbetet e hapur për bashkëpunim, përfshi edhe MALLMED-in si një organ jashtëzakonisht i rëndësishëm i administratës shtetërore, qëllimi i të cilit është mbrojtja e shëndetit të qytetarëve nëpërmjet zbatimit të rregullativës dhe mbikëqyrjes efikase në fushën e prodhimit dhe qarkullimit të ilaçeve dhe pajisjeve mjekësore. Takimi ishte një mundësi për t’u informuar rreth zbatimit të Ligjit për Përdorimin e Gjuhëve në punën e MALLMED-it. Njëkohësisht, drejtori Sela u interesua edhe rreth mundësisë që qytetarët të cilët janë konsumues të barnave dhe pajisjeve mjekësore, udhëzimet për përdorim të mund t’i marrin edhe në gjuhët zyrtare të Republikës së Maqedonisë së Veriut. Drejtoresha Riza shprehu kënaqësi për takimin dhe shfrytëzoi rastin për ta informuar Drejtorin Sela për situatën aktuale në MALLMED duke shfaqur interesimin për vazhdimin e dialogut ndërmjet dy institucioneve. [gallery bgs_gallery_image_size="full" bgs_gallery_type="slider" ids="3785"]
ITKSHSH-ja i dhuroi AZGJ-së një fond librash
Feb 27, 2020
Sot, Instituti i Trashëgimisë Kulturore dhe Shpirtërore të Shqiptarëve, Agjencisë së Zbatimit të Gjuhës së RMV-së i dhuroi një numër të konsiderueshëm librash e revistash. Botimet e këtij institucioni shkencor e kulturor i solli drejtori i tij, Skender Asani me disa nga bashkëpunëtorët e tij të ngushtë. Me këtë rast, drejtori i Agjencisë për Zbatimin e Gjuhës të RMV-së , Ylber Sela, e falënderoi homologun e tij për këtë ndihmesë të çmuar me të cilën pasurohet biblioteka e institucionit që e udhëheq dhe njëkohësisht shkëmbyen edhe mendime e ide lidhur me bashkëpunimin ndërmjet këtyre dy institucioneve. [gallery size="publisher-lg" bgs_gallery_type="slider" bgs_gallery_image_size="full" ids="3754,3757,3760,3763,3766"]
OSBE-ja me mbështetje konkrete për punën e Agjencisë për Zbatimin e Gjuhës
Feb 26, 2020
Drejtori i AZGJ-së, Ylber Sela, realizoi takim pune me Tatjana Temelkoskën, përfaqësuese e Misionit të OSBE-së në Shkup. Takimi i punës paraqet vazhdimësi të dialogut të rregullt dhe bashkëpunimit të mirë ndërmjet AZGJ-së dhe OSBE-së. Përfaqësuesja e OSBE-së Temelkoska informoi se OSBE-ja do të sigurojë mbështetje të AZGJ-së në organizimin e sesionit, përkatësisht në trajnimin për përgatitjen e Planit strategjik shumëvjeçar për punë të AZGJ-së, e cila do të organizohet në tremujorin e dytë të vitit 2020 ndërsa do të sigurohen edhe publikime të OSBE-së të cilat do të dhurohen për rritjen e fondit të bibliotekës të cilin AZGJ-ja e ka në dispozicion. OSBE-ja do të vazhdojë të bashkëpunojë edhe me Trupin operativ ekzistues për zhvillimin e konceptit për një shoqëri dhe interkulturalizëm ku drejtori Sela është anëtar, si dhe me trupin koordinues për përgatitje dhe ndjekje të implementimit të Strategjisë nacionale për zhvillim të konceptit për një shoqëri dhe interkulturalizëm. Drejtori Sela u falënderua për mbështetjen dhe theksoi se qëllimi i përbashkët është promovimi i dialogut ndëretnik dhe bashkëjetesës nëpërmjet gjuhëve dhe se AZGJ-ja edhe më tutje mbetet e hapur për thellimin e bashkëpunimit të shkëlqyer me OSBE-në. [gallery bgs_gallery_image_size="full" bgs_gallery_type="slider" size="publisher-lg" ids="3738,3741,3744"]
PËRFUNDOI KONFERENCA SHKENCORE PËR DITËN E GJUHËS AMTARE
Feb 21, 2020
Konferenca shkencore me temë “Shumëgjuhësia dhe sfidat e zbatimit të Ligjit për Përdorimin e Gjuhëve në RMV”, e cila u hap pardje, vazhdoi punën e saj edhe gjatë ditës së sotme. Në panelin e parë me temë “Sfidat e zbatimit të Ligjit për Përdorimin e Gjuhëve në RMV”, fjalë përshëndetëse mbajtën drejtori i AZGJ-së, Ylber Sela, kryetari i Gjykatës Administrative, Burim Sejdini dhe profesori universitar Jusuf Zejneli i cili, mes tjerash, foli edhe për sfidat e zbatimit të Ligjit për Përdorimin e Gjuhëve në RMV. Në panelin e dytë folën Adnan Jashari, i cili u përqendrua në aspektin juridiko-normativ të përdorimit të gjuhëve në RMV, Mimoza Kore, e cila foli për Ligjin e Përdorimit të Gjuhëve në RMV si dhe për sfidat e statusit të shqipes në këtë kontekst, Jusuf Zejneli, për sfidat e zbatimit të Ligjit të Përdorimit të Gjuhëve në RMV, Anila Omari, foli për përkthimin si faktor ndikimi në zhvillimin gjuhësor dhe për pasojat e përkthimit në shqipen e RMV-së dhe Vebi Bexheti për dilemat e zbatimit të drejtë të Ligjit të Përdorimit të Gjuhës Shqipe. Në panelin e tretë, për çështjen e sfidave të zbatimit të Ligjit të Përdorimit të Gjuhëve foli Jasmina Trajkovska-Naumovska, Haki Ymeri foli për shqipen e Maqedonisë së Veriut si gjuhë e 20-përqindshit, ndërsa Demush Bajrami foli për sfidat e shtrirjes së përdorimit zyrtar të gjuhës shqipe në Maqedoninë e Veriut. Në panelin e katërt me temë “Efeket e shumëgjuhësisë në aktet juridike” folën Sllavisha Mlladenoviq, i cili u ndal në dygjuhësinë në Kosovë, Ismet Osmani, i cili foli për problemet kuptimore në terminologjinë e administratës publike, Berton Sulejmani për toponiminë e tabelave rrugore, ndërsa Ismail Hamiti foli për përkthimin e lirë dhe atë të fjalëpërfjalshëm. Pas përfundimit të punimeve të konferencës, pjesëmarrësit do të vizitojnë disa monumente kulturore në Shkup. [gallery bgs_gallery_image_size="full" bgs_gallery_type="slider" size="publisher-lg" ids="3684,3687,3690,3693,3696,3699,3702,3705,3708,3711,3714,3717,3720,3723"]
Njoftime
Shiko të gjithaBuletin
Shiko të gjithaFurnizime Publike
Shiko të gjithaInformacion kontakti
-
St., "Philip the Second of Macedonia" no. 11,
3rd floor Skopje, Republic of North Macedonia -
Phone number
02 312 1731
- Email
info@apj.gov.mk - Email