Vizitë pune në Kryqin e Kuq të Republikës së Maqedonisë së Veriut

Jun 13, 2022

Vizitë pune në Kryqin e Kuq të Republikës së Maqedonisë së Veriut
Delegacioni i Agjencisë së Zbatimit të Gjuhës së RMV-së, i kryesuar nga drejtori Ylber Sela, realizoi vizitë pune në Kryqin e Kuq të Republikës së Maqedonisë së Veriut, ku u takua me sekretarin e përgjithshëm të kësaj organizate, Sait Saiti.
Me këtë rast u rikonfirmua interesimi i Agjencisë për bashkëpunim me Kryqin e Kuq, si organizatë e pavarur, joqeveritare, vullnetare humanitare, që kryen veprimtari me interes publik në fushën e shëndetësisë dhe mbrojtjes sociale, duke u bazuar në parimet e humanizmit dhe solidaritetit.
Drejtori Sela e njoftoi bashkëbiseduesin për punën e deritanishme dhe aktivitetet e planifikuara të Agjencisë, në interes të përdorimit të drejtë dhe të përpiktë të gjuhës shqipe, në nivel institucional dhe lokal, në pajtim me Ligjin e Përdorimit të Gjuhëve.
Nga ana tjetër, sekretari i përgjithshëm Saiti e njohu bashkëbiseduesin me mënyrën e funksionimit të organizatës dhe përdorimin e gjuhës shqipe në punën e saj, e cila është model i mirë për funksionimin e një organizate joqeveritare, si dhe falënderoi përfaqësuesit e Agjencisë për vizitën e tyre duke shprehur gatishmëri për bashkëpunim të nismave të përbashkëta.
[gallery size="publisher-lg" bgs_gallery_type="slider" bgs_gallery_image_size="full" ids="8728"]

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk