Takim ndërinstitucional me Ministrinë e Marrëdhënieve ndërmjet Bashkësive

Oct 13, 2026

Takim ndërinstitucional me Ministrinë e Marrëdhënieve ndërmjet Bashkësive

 

Një delegacion i Agjencisë së Zbatimit të Gjuhës (AZGj), i kryesuar nga drejtori Granit Osmani, realizuan një takim ndërinstitucional me Ministrinë e Marrëdhënieve ndërmjet Bashkësive (MMB), të kryesuar nga ministri Agon Ferati. 

Gjatë këtij takimi u diskutuan tema të ndryshme të kompetencave institucionale dhe mundësia e bashkëpunimit dypalësh në fusha të caktuara. Me këtë rast, u debatua edhe për festat e nëntorit dhe aktivitetet për shënimin e Ditës së Alfabetit. 

Palët u dakorduan që të bashkërendojnë aktivitetet edhe me institucionet e tjera, që shënimi i kësaj dite të rëndësishme të bëhet në mënyrë sa më të organizuar dhe gjithëpërfshirëse.

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk