U miratua statusi i vëzhguesit i AZGj-së në Shoqatën Ndërkombëtare të Komisionеrëve të Gjuhës

Jun 13, 2024

U miratua statusi i vëzhguesit i AZGj-së në Shoqatën Ndërkombëtare të Komisionеrëve të Gjuhës

 

Në kuadër të përpjekjeve që i bën për profesionalizimin e vet të mëtejshëm në fushën e zbatimit zyrtar të gjuhës shqipe, Agjencia e Zbatimit të Gjuhës (AZGj) në mars të këtij viti dorëzoi kërkesë zyrtare për anëtarësimin në Shoqatën Ndërkombëtare të Komisionеrëve të Gjuhës (ShNKGj).

Pas mbledhjes së mbajtur në prill, shoqata në fjalë miratoi njëzëri statusin e AZGj-së si anëtare vëzhguese në mesin e komisionеrëve të gjuhës, duke ftuar AZGj-në që të jetë pjesë e konferencës me rastin e dhjetëvjetorit të themelimit të ShNKGj-së.

Konferenca u mbajt sot, ndërkaq drejtori Ardian Musliu përgëzoi komisionеrët e gjuhës, duke u uruar punë të mbarë në misionin e tyre gjuhësor dhe duke i falënderuar për miratimin e statusit të vëzhguesit për AZGj-në.

Prezantimin e agjencisë e bëri nëpunësi Lirim Shala, i cili njoftoi anëtarët e tjerë të shoqatës për Ligjin e Përdorimit të Gjuhëve dhe rolin e AZGj-së.

Ndryshe, ShNKGj-ja është themeluar në maj të vitit 2013 në Irlandë nga komisionеrët e gjuhëve të disa vendeve në botë. Roli i saj është që të mbështesë dhe avancojë të drejtat gjuhësore, barazinë, larminë gjuhësore dhe t’u ndihmojë komisionеrëve të gjuhës që të punojnë sipas standardeve më të larta profesionale.

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk