Terminologjia juridike në fokusin e trajnimit të sotëm të AZGj-së

Apr 23, 2026

Terminologjia juridike në fokusin e trajnimit të sotëm të AZGj-së

Terminologjia juridike në fokusin e trajnimit të sotëm të AZGj-së Edhe sot vazhdoi trajnimi për përkthyes nga Agjencia e Zbatimit të Gjuhës me ligjëratën e profesoreshës Arta Mero, e cila solli një temë me rëndësi të veçantë: “Terminologjia juridike”. Ky sesion u veçua për qasjen e saj praktike, duke u fokusuar në përdorimin konkret të termave juridikë në dokumente zyrtare dhe në përkthime institucionale. Pjesëmarrësit patën mundësinë të punojnë me shembuj realë, të diskutojnë dilema profesionale dhe të përvetësojnë teknika që ndihmojnë në unifikimin e gjuhës juridike. Me këtë ligjëratë, Agjencia dëshmon angazhimin e saj për të ofruar trajnime cilësore dhe të dobishme për përkthyesit, duke forcuar kapacitetet e tyre profesionale dhe duke promovuar përdorimin dinjitoz të gjuhëve zyrtare në institucionet publike.

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk