Takim pune i drejtorit të AZGJ-së Granit Osmani në ITShKSh

Feb 6, 2026

Takim pune i drejtorit të AZGJ-së Granit Osmani në ITShKSh

 

Gjatë ditës së sotme, drejtori i Agjencisë së Zbatimit të Gjuhës, Granit Osmani, zhvilloi një takim pune në Institutin e Trashëgimisë Shpirtërore e Kulturore të Shqiptarëve me homologun e tij, Besnik Emini.

Me këtë rast ata biseduan për vazhdimin e bashkëpunimit ndërmjet këtyre dy institucioneve, gjithnjë në frymën e memorandumit të nënshkruar, duke marrë pjesë dhe duke organizuar aktivitete të përbashkëta shkencore, kulturore, artistike etj. Po ashtu ata folën edhe për preokupimet dhe shqetësimet lidhur me zbatimin e Ligjit të Përdorimit të Gjuhëve në Republikën e Maqedonisë së Veriut.

Gjatë këtij takimi, veçanërisht u theksua vullneti dhe gatishmëria për shënimin e ngjarjeve të rëndësishme që kanë të bëjnë me gjuhën shqipe.

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk