Takim i drejtorit të AZGj-së dhe drejtorit të Inspektoratit të Përdorimit të Gjuhëve me përfaqësues të Qeverisë së RMV-së

Aug 27, 2024

Takim i drejtorit të AZGj-së dhe drejtorit të Inspektoratit të Përdorimit të Gjuhëve me përfaqësues të Qeverisë së RMV-së

 

Drejtori i Agjencisë së Zbatimit të Gjuhës, Granit Osmani dhe drejtori i Inspektoratit të Përdorimit të Gjuhëve, Arsim Idrizi, në hapësirat e AZGj-së, pritën sot, në një takim pune, zëvendëssekretarin e Qeverisë së RMV-së, Hasim Murtezanin dhe këshilltarin e Qeverisë, Shiqiri Korumin. Pjesëmarrësit e takimit kryesisht folën për mbarëvajtjen e punës së zbatimit sa më të drejtë të gjuhës shqipe në RMV.

Të dy drejtorët i informuan përfaqësuesit e Qeverisë për detyrimet dhe kompetencat që lidhen me zbatimin e gjuhës shqipe, si dhe për punën e deritanishme në avancimin e procesit të dygjuhësisë në RMV. Hasim Murtezani nga pozita e zëvendëssekretarit të Qeverisë, e ofroi të gjithë mbështetjen e tij për zbatimin e gjuhës shqipe nëpër institucionet publike shtetërore.

Në fund, drejtori Osmani, tha se AZGj-a, në rast nevoje, është gjithmonë e gatshme t’i japë mbështetje Qeverisë me angazhimin e përkthyesve të saj.

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk