Përfaqësuesit e AZGJ-së në konferencë shkencore për Mehmedali Hoxhën

Nov 12, 2024

Përfaqësuesit e AZGJ-së në konferencë shkencore për Mehmedali Hoxhën

 

Me rastin e shënimit të 100-vjetorit të lindjes së poetit të mirënjohur për fëmijë, Mehmedali Hoxhës, Katedra e Gjuhës dhe e Letërsisë Shqiptare në Universitetin “Shën Cirili dhe Metodiu” në Shkup organizoi një konferencë shkencore për jetën dhe krijimtarinë e tij. Hapjen e kësaj konference e bëri shefi i kësaj katedre, prof. dr. Osmani, ndërkaq të pranishmit i përshëndeti edhe i biri i Mehmedali Hoxhës, prof. dr. Bujar Hoxha.

Krahas shumë pjesëmarrësve të tjerë nga jeta arsimore e kulturore, në të morën pjesë edhe përfaqësuesit e Agjencisë së Zbatimit të Gjuhës të RMV-së, e cila tashmë ka një bashkëpunim të ngushtë që nga themelimi i saj.

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk