Në AZGj vazhdoi java e parafundit e trajnimit të përkthyesve dhe të redaktorëve të gjuhës shqipe

Jun 4, 2024

Në AZGj vazhdoi java e parafundit e trajnimit të përkthyesve dhe të redaktorëve të gjuhës shqipe

 

Në javën e parafundit të trajnimit, ligjërues ishin: Prof. dr. Mustafë Ibrahimi, dekan i Fakultetit të Filologjisë në Universitetin “Nënë Tereza”, Shkup, me temën: “Përkthimi i teksteve të veçanta sociologjike dhe kulturore” dhe Prof. Bashkim Selmani, ligjërues në Fakultetin e Drejtësisë të Universitetit të Tetovës, me temë: “Shkrimi ligjor, formular, kërkesa...”.

Ligjëruesit e ditës së martë janë: Prof. dr. Rami Memushaj, profesor dhe veteran i gjuhës shqipe nga Tirana, i cili prezantoi temën “Semantika” dhe Prof. Qëndrim Morina, profesor nga Prishtina, i cili prezantoi temën “Gabim gjuhësor vs formë e (pa)saktë gramatikore (standardi gjuhësor dje dhe sot)”.

Në trajnimin e nisur para dy javësh, nëpunësit administrativë, nëpërmjet përvojave të gjuhëtarëve dhe juristëve të njohur nga vendi, të angazhuar nga AZGj-ja, patën mundësi, për së afërmi, të njihen me veçoritë dhe karakteristikat e gjuhës shqipe, krahasuar këto edhe me gjuhë të tjera.

Trajnimi i nëpunësve administrativë do të vazhdojë edhe gjatë javës së ardhshme, duke sjellë përvoja dhe trajtesa nga gjuhëtarë të njohur të gjuhës shqipe.

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk