Me rastin e Ditës së Gjuhës Amtare AZGJ-ja mbajti konferencë shkencore

Feb 24, 2025

Me rastin e Ditës së Gjuhës Amtare AZGJ-ja mbajti konferencë shkencore

Në praninën e një numri të konsiderueshëm pjesëmarrësish, përfaqësues të jetës politike, kulturore, shkencore e arsimore, sot në sallën e Komunës së Çairit në Shkup, Agjencia e Zbatimit të Gjuhës e RMV-së e shënoi Ditën Ndërkombëtare të Gjuhës Amtare. Në hapjen solemne të këtij aktiviteti kulturor e shkencor, fjalën e rastit e mbajti drejtori i AZGJ-së, Granit Osmani i cili theksoi rolin dhe rëndësinë e gjuhës shqipe për shqiptarët në RMV.

Po ashtu, para të pranishmëve u drejtua edhe kryetari i Kuvendit të RMV-së, Afrim Gashi, pastaj zëvendëskryeministri i parë i RMV-së, Izet Mexhiti, zëvendësministri i Arsimit, Lulzim Aliu dhe kryetari i Komunës së Çairit, Visar Ganiu. Këta vunë në dukje angazhimin e përbashkët për zbatimin e gjuhës shqipe në institucionet shtetërore si një sfidë dhe synim i vazhdueshëm i popullatës shqiptare.

Në vazhdim u mbajt edhe Konferenca Shkencore me temë “Gjuha shqipe – identitet dhe jo politikë”, në të cilën me kumtesat e tyre u paraqitën Jeton Shasivari, Ismet Osmani, Demush Bajrami, Ajtene Qamili, Ahmet Selmani, Sunaj Rrahimi, Isamet Bakiu, Mersim Maksuti dhe Nebi Bilalli. Referuesit në fjalë theksuan shumë aspekte që kanë të bëjnë me gjuhën shqipe në kontekstin e kontestimit formal dhe material të Ligjit të Përdorimit ë Gjuhëve, trajtuan çështje që kanë të bëjnë me realitetin gjuhësor në RMV, aspektin e teknologjisë dhe të inteligjencës artificiale, kontekstin multikulturor dhe interkulturor, të drejtën natyrore dhe mitin e rrezikimit, përkufizimin e politikës gjuhësore, çështjen e identitetit gjuhësor, të drejtën e përdorimit praktik të gjuhës shqipe, argumentet që duhet t’i marrë parasysh Gjykata Kushtetuese në rastin e vlerësimit eventual të Ligjit të Përdorimit të Gjuhëve, problemet me të cilat ballafaqohet gjuha shqipe në përdorimin praktik etj.

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk