Le ta mbajmë gjuhën dhe alfabetin tonë si pishtar të përhershëm të dritës dhe diturisë.

Nov 25, 2024

Le ta mbajmë gjuhën dhe alfabetin tonë si pishtar të përhershëm të dritës dhe diturisë.

Të nderuar bashëkombas, Agjenciа e Zbatimit të Gjuhës, Ju shpreh urimet dhe nderimet për këtë datë të shënuar historike – 116-vjetori i Alfabetit të Gjuhës Shqipe, një themel i identitetit dhe i kulturës sonë kombëtare.

Kongresi i Manastirit mbetet një gur themeli në historinë e gjuhës sonë, një moment kur dijetarët dhe atdhetarët shqiptarë bashkuan forcat për të krijuar alfabetin, që do të shërbente si udhërrëfyes për brezat e ardhshëm. Ky alfabet, më shumë se një mjet komunikimi, është një simbol i unitetit, përparimit dhe krenarisë sonë kombëtare.

Agjencia e Zbatimit të Gjuhës mbetet e përkushtuar t'i ruajë dhe t'i promovojë vlerat e gjuhës shqipe, duke siguruar që kjo trashëgimi e çmuar të vijojë të lulëzojë dhe të mbajë të gjallë frymën e Kongresit të Manastirit.

Urime të përzemërta për këtë përvjetor të shenjtë! Le ta mbajmë gjuhën dhe alfabetin tonë si pishtar të përhershëm të dritës dhe diturisë.

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk