Java e dytë e trajnimit të përkthyesve dhe të lektorëve të institucioneve publike

Mbledhje përkujtimore në AZGj në kujtim të Renata Ballanca Asanit

Mbledhje përkujtimore në AZGj në kujtim të Renata Ballanca Asanit Në kujtim të largimit nga kjo jetë të Këshilltares shtetërore të lekturës në AZGj, Renata Ballanca Asani, e cila ndërroi jetë para disa ditësh, Agjencia organizoi një mbledhje përkujtimore me kolegët dhe familjen e afërt të Renatës. Drejtori i AZGj-së, Ardian Musliu, në fjalën e tij tregoi për punën, cilësitë e dukshme dhe njerëzoren e Renata Ballancës, ku midis të tjerash tha se, përkushtimi i saj për punën ishte për respekt dhe karakterizohej nga profesionalizmi, përgjegjësia dhe kolegjialiteti. Vetëm një javë para se të ndërronte jetë, ajo e dorëzoi të lekturuar Raportin vjetor të punës së Agjencisë së Zbatimit të Gjuhës së RMV-së. Bashkëshorti i të ndjerës, Arif Asani, në emër të familjes, i falënderoi kolegët dhe miqtë e saj, që i qëndruan pranë dhe e inkurajuan në luftën e gjatë me sëmundjen e rëndë. Në mbledhjen përkujtimore mes dhimbjesh, kolegë, shokë dhe shoqe të Renatës, evokuan kujtime nga puna dhe miqësia me të. Një gjë ishte e përbashkët në kujtimet e tyre; mirësia, urtësia, hijeshia, sharmi dhe fjalët e mira që Renata la pas, ishin tiparet e saj të dallueshme, tipare këto të një gruaje të veçantë, e cila ndërroi jetë në moshë të re. Në fund drejtori i AZGj-së, ju shprehu ngushëllime bashkëshortit dhe fëmijëve të Renatës. Foto nga arkivi i AZGj-së Shkup, 18.3.2024

U nda nga jeta këshilltarja shtetërore e AZGJ-së, Renata Ballanca Asani

U nda nga jeta këshilltarja shtetërore e AZGJ-së, Renata Ballanca Asani Pas një sëmundjeje të rëndë e të pashërueshme, sot në orët e pasdites u nda nga jeta këshilltarja shtetërore për lekturë e Agjencisë së Zbatimit të Gjuhës, Renata Ballanca Asani. Të punësuarit e AZGJ-së do ta mbajnë mend si një kolege e bashkëpunëtore të shkëlqyer e cila gjithmonë ishte shembull pozitiv si në punën e përditshme profesionale, ashtu edhe në marrëdhëniet dhe komunikimin e ngrohtë me kolegët. Të punësuarit e AZGJ-së i shprehin ngushëllime familjes, farefisit, miqve dhe të gjithë atyre që e njohën Renatën. Lamtumirë kolege e dashur! Do të na mungosh jashtëzakonisht shumë. Prehu në botën e pasosur! Të punësuarit e pikëlluar të AZGJ-së Shkup, 14.3.2024

Të nderuar mësues! AZGj-ja ju uron Gëzuar 7 Marsin!

 Të nderuar mësues! AZGj-ja ju uron Gëzuar 7 Marsin! Gjithnjë do ta kujtojmë rolin tuaj të pazëvendësueshëm në ndërtimin e bazës së edukimit dhe në formimin e vizionit të ri për të ardhmen e fëmijëve tanë. Ju keni bërë dhe po vazhdoni të bëni një punë të madhe. Me këtë po ndikoni në jetën e shumë nxënësve, në formësimin e identitetit të tyre kombëtar e kulturor. Faleminderit për angazhimin dhe devotshmërinë tuaj në arsim!