BNU ”Shën Klementi i Ohrit” i dhuroi botime AZGJ-së

Sep 23, 2020

BNU ”Shën Klementi i Ohrit” i dhuroi botime AZGJ-së
Si rezultat i bashkëpunimit të shkëlqyer ndërmjet AZGJ-së dhe BNU “Shën Klementi i Ohrit”- Shkup, sot u bë pranim-dorëzimi i botimeve për nevojat e bibliotekës së AZGJ-së , për të cilat BNU “Shën Klementi i Ohrit” dha pëlqimin e dhurimit.
Përzgjedhja e botimeve përfshin kryesisht fjalorë terminologjikë, botime që kanë të bëjnë me filologjinë shqiptare, por edhe botime me tema kulturore.
Me këtë rast, drejtori i AZGJ-së Ylber Sela, shprehu mirënjohje për Bibliotekën Kombëtare Universitare "Shën Klementi i Ohrit" - Shkup dhe drejtorin e saj Frymzim Dauti, për botimet e dhuruara, gjithashtu shpreson që bashkëpunimi ndërmjet dy institucioneve do të vazhdojë të përmirësohet në të ardhmen.
[gallery bgs_gallery_type="slider" size="publisher-lg" ids="4600,4597"]

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk