Bashkëpunim i vendosur me Drejtorinë e Mbrojtjes së Trashëgimisë Kulturore

Jun 13, 2022

Bashkëpunim i vendosur me Drejtorinë e Mbrojtjes së Trashëgimisë Kulturore
Në kuadër të agjendës intensive të punës së sotme, drejtori i Agjencisë së Zbatimit të Gjuhës së RMV-së, Ylber Sela, ka vizituar Drejtorinë e Mbrojtjes së Trashëgimisë Kulturore, ku realizoi takim pune me drejtorin Arian Asllanaj, me të cilin biseduan për bashkëpunimin të ndërsjellë të këtyre dy institucioneve.
Drejtori Sela e falënderoi kolegun për mikpritjen dhe njëkohësisht i ofroi mbështetjen e tij me udhëzime të përpikëta për zbatimin e Ligjit të Përdorimit të Gjuhëve në këtë institucion, si organ në kuadër të Ministrisë së Kulturës.
Nga ana tjetër, drejtori Asllanaj, shprehu vullnetin dhe gatishmërinë për ta realizuar detyrimin ligjor, duke theksuar se pret ndihmë dhe bashkëpunim mes dy palëve për realizimin me sukses të mëtejshëm të këtij procesi.
[gallery size="publisher-lg" bgs_gallery_type="slider" bgs_gallery_image_size="full" ids="8739"]

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk