AZGj-ja e filloi trajnimin e përkthyesve dhe të redaktorëve të gjuhës shqipe

May 28, 2024

AZGj-ja e filloi trajnimin e përkthyesve dhe të redaktorëve të gjuhës shqipe

Ashtu si në vitet e kaluara edhe sivjet nisi trajnimi i nëpunësve administrativë, të cilët punojnë si përkthyes dhe redaktorë të gjuhës shqipe në institucionet e tyre përkatëse.

Ata u mirëpritën nga drejtori i Agjencisë së Zbatimit të Gjuhës (AZGj), Ardian Musliu dhe nga koordinatorja e projektit, Shpresa Zeqiri Ibrahimi, zëvendësudhëheqëse e Sektorit të mbështetjes së drejtorit.

Ligjëruesit e sotëm ishin Ajten Hajdari-Qamili, profesoreshë në Universitetin “Shën Kirili dhe Metodi” – Shkup, e cila prezantoi temën “Krahasim dhe analizë tekstesh të përkthyera” dhe Nebi Bilalli, Këshilltar shtetëror i përkthimit në AZGj, i cili prezantoi temën “Terminologjia përkatëse gjuhësore në përkthimin e dokumenteve zyrtare”.

Në trajnimin e nisur sot e që do të zgjasë disa javë, janë përfshirë 54 nëpunës, duke përfshirë edhe ata të pushtetit vendor, që është edhe veçoria e sivjetshme, sakaq çdonjëri prej tyre në fund të trajnimit do të pajiset me certifikatë.

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk