[wp-embedder-pack width="100%" height="400px" download="all" download-text="" attachment_id="5685" /]

Sot në Agjencinë e Zbatimit të Gjuhës të RMV-së (AZGJ) qëndroi profesor Berton Sulejmani, dekan i Fakultetit Filologjik të Universitetit të Tetovës (UT), i cili u prit nga drejtori i agjencisë, Ylber Sela. Me këtë rast, dekani Sulejmani dhuroi të gjithë numrat e revistës “Filologjia” si dhe të revistës “Albanologjia”, ku botohen punimet e një prej ngjarjeve më të rëndësishme në RMV, Seminari Albanologjik, që është një projekt i UT-së. Gjithashtu, AZGJ-së iu dërguan edhe materialet online, për të pasur qasje më të lehtësuar. Dekani Sulejmani takoi edhe përkthyesit dhe lektorët e AZGJ-së me të cilët diskutoi edhe për trajnimin e përkthyesve dhe lektorëve të institucioneve publike që do të fillojë në muajin prill në zyrat e AZGJ-së. Drejtori Sela dhe dekani Sulejmani biseduan për mundësitë e thellimit të bashkëpunimit ndërmjet AZGJ-së dhe Fakultetit Filologjik të UT-së për të hapur një drejtim të ri studimor në UT – atë të redaktimit gjuhësor. [gallery bgs_gallery_image_size="full" bgs_gallery_type="slider" size="publisher-lg" ids="5670,5673,5676"]

Sot në hapësirat e AZGj-së qëndroi Kaltrina Beqiri, drejtoreshë në Agjencinë e Cilësisë dhe të Akreditimit të Institucioneve Shëndetësore, e cila bashkë me ekipin e saj realizuan takim me drejtorin e AZGJ-së, Ylber Selën për t’u konsultuar rreth disa çështjeve sa i takon përdorimit dhe zbatimit të gjuhës shqipe në institucionin që ajo drejton. Gjatë këtij takimi, drejtori i AZGJ-së Ylber Sela dhe drejtoresha Beqiri biseduan lidhur me zbatimin e Ligjit të Përdorimit të Gjuhëve në institucionet shtetërore, ndërsa me këtë rast drejtori i AZGJ-së Ylber Sela i ofroi mbështetje të plotë duke premtuar edhe ndihmë nga shërbimet e AZGJ-së në aspektin e përkthimit dhe të lekturës së dokumenteve dhe të akteve zyrtare. Bashkëbiseduesit ranë dakord për bashkëpunim të mëtutjeshëm në mes dy institucioneve, në mënyrë që zbatimi i dispozitave të ligjit të jetë në nivelin e duhur në këtë institucion.

Sot, një grup studentësh të vitit të katërt të Universitetit të Tetovës (UT), të cilët studiojnë në Fakultetin e Administratës Publike, në Programin e administratës publike, të shoqëruar nga profesori i tyre, Jahi Jahiu, e vizituan Agjencinë e Zbatimit të Gjuhës të RMV-së (AZGJ). Ata i priti drejtori Ylber Sela dhe bashkëpunëtorët Valmira Axhirexha dhe Jeton Sulejmani. Me këtë rast, drejtori Sela u uroi mirëseardhje, duke u dëshiruar sukses në drejtimin e tyre studimor. Ndërkaq, Valmira Axhirexha dhe Jeton Sulejmani prezantuan një material më të zgjeruar për AZGJ-në, për ngritjen si institucion, sfidat, punën e deritanishme dhe synimet për të ardhmen. Gjithashtu, studentëve u dhuruan botimet e AZGJ-së. Kjo vizitë do t’u shërbejë atyre për t’u njohur nga afër me punën në administratën publike, ku në të ardhmen mund të jenë pjesë e saj. [gallery bgs_gallery_type="slider" bgs_gallery_image_size="full" size="publisher-lg" ids="5631,5634,5637,5640"]

[wp-embedder-pack width="100%" height="400px" download="all" download-text="" attachment_id="5598" /]

Me ftesë të ministres së Kulturës të RMV-së, Irena Stefoska, sot drejtori i Agjencisë së Zbatimit të Gjuhës (AZGJ), Ylber Sela me bashkëpunëtorët e tij, Ahmet Selmani dhe Liljana Pandeva, zhvilloi një takim pune. Qëllimi i këtij takimi ishte konsultimi për disa çështja nga sfera e humanistikës që kanë të bëjnë me përkthyesit dhe përkthimin në RMV. Sipas ministres Stefoska patjetër duhet të kthehet dinjiteti i përkthyesve vendës, prandaj është e domosdoshme mbështetja dhe stimulimi i tyre. Duke u nisur nga kjo, ajo propozoi që të hartohet një program për mbështetjen e përkthyesve, përkatësisht stimulimin e tyre në vendin tonë. Po ashtu ajo hodhi idenë që të hartohet edhe një program për përkthime të kryqëzuara, siç i quajti ajo, domethënë përkthime nga autorë maqedonas në shqip dhe nga autorë shqiptarë në maqedonisht. Krahas këtyre, ajo propozoi edhe një program për furnizimin e disa bibliotekave në qytetet tona me botime (përkthime) nga Shqipëria, pra si një import intervenues për pasurimin e bibliotekave, sepse numri i lexuesve është i lakmueshëm. Por paraprakisht ranë dakord që të organizohet një tryezë e rrumbullakët për të diskutuar me përkthyes, bibliotekarë, botues etj., dhe për të ndërtuar një strategji lidhur me këtë çështje. Gjatë takimit në fjalë, si pikë të veçantë ajo e shtroi edhe çështjen e licencave për lektorë në gjuhën shqipe, me qëllim që të zgjidhet statusi i tyre njësoj si ai i lektorëve për gjuhën maqedonase. Për të gjitha këto ide e propozime ranë dakord të dyja palët, që të mbështeten përkthyesit në RMV, si dhe të diskutohen bashkërisht të gjitha çështjet që kanë të bëjnë me përkthimin dhe lekturën. [gallery bgs_gallery_type="slider" bgs_gallery_image_size="full" size="publisher-lg" ids="5603"]

Drejtori i Agjencisë së Zbatimit të Gjuhës (AZGJ), Ylber Sela, i shoqëruar nga ekipi i tij, sot ishte në vizitë të Komunës së Petrovecit, ku u prit nga kryetari i saj, Borçe Mitevski. Vizita u realizua me nismë të drejtorit Sela, me qëllim këqyrjen e gjendjes së zbatimit të Ligjit të Përdorimit të Gjuhëve në këtë njësi të vetëqeverisjes vendore, në të cilën rreth 23% e popullsisë janë shqiptarë, sipas të dhënave nga regjistrimi i fundit, si edhe vendosjen e bashkëpunimit ndërmjet dy institucioneve, lidhur me përdorimin e gjuhëve zyrtare. Për arsye të rrjedhjes së pandërprerë të proceseve të punës, drejtori Sela ofroi mbështetje profesionale për përkthimin dhe lektorimin e formularëve dhe dokumenteve zyrtare. Nga ana tjetër, kryetari Borçe Mitevski shprehu gatishmëri dhe vullnet të përmirësohet gjendja e përdorimit të gjuhës shqipe, përmes procesit të bashkëpunimit dhe të mbështetjes së AZGJ-së. Në fund të takimit, drejtori Sela i dha kryetarit Mitevski një përmbledhje me publikime të AZGJ-së, lidhur me implementimin e Ligjit të Përdorimit të Gjuhëve.

https://www.youtube.com/watch?v=imjHX0rbrsE&ab_channel=APJAZGJ

Pas takimeve të realizuara në komunat e Çashkës, Tetovës dhe asaj të Butelit, drejtori i Agjencisë së Zbatimit të Gjuhës (AZGJ), Ylber Sela, i shoqëruar nga ekipi i tij, e vizitoi Komunën e Zelenikovës, ku u prit nga kryetari Borçe Gievski. Vizita u realizua me nismë të drejtorit Sela, me qëllim këqyrjen e gjendjes rreth zbatimit të Ligjit të Përdorimit të Gjuhëve në këtë njësi të vetëqeverisjes lokale, në të cilën rreth 30%, sipas të dhënave statistikore nga regjistrimi i fundit i popullatës, janë shqiptarë. Drejtori Sela ofroi bashkëpunim dhe theksoi se AZGJ-ja, do t’i ndihmojë komunës në procesin e harmonizimit të punës së saj me rregullativën ligjore pozitive. Nga ana e tij, kryetari Gievski shprehu gatishmëri dhe vullnet që të përmirësohet gjendja rreth përdorimit të gjuhës shqipe, përmes procesit të bashkëpunimit dhe mbështetjes së AZGJ-së. Në fund të takimit, drejtori Sela, i dorëzoi kryetarit Gievski një përmbledhje me publikime të AZGJ-së, të lidhura këto me zbatimin e Ligjit të Përdorimit të Gjuhëve. [gallery bgs_gallery_image_size="full" bgs_gallery_type="slider" size="publisher-lg" ids="5536,5539"]

Drejtori i Agjencisë së Zbatimit të Gjuhës (AZGJ), Ylber Sela sot e vizitoi Shoqërinë Aksionare M-NAV, ku u takua me kryetarin e Këshillit Drejtues dhe drejtorin ekzekutiv të Sektorit të Navigacionit Ajror, Fahrudin Hamidi. Në këtë takim drejtori Sela e njoftoi atë për punën që po bën AZGJ-ja, duke u ofruar ndihmë institucioneve të ndryshme në aspektin e zbatimit të gjuhës shqipe në të gjitha nivelet zyrtare. Po ashtu, edhe zoti F. Hamidi e njoftoi për vështirësitë dhe nevojat e kësaj kompanie në aspektin e përkthimit dhe lekturimit të dokumenteve të ndryshme në gjuhën shqipe. Prandaj ai kërkoi ndihmë nga AZGJ-ja që brenda mundësive ta ndihmojë kompaninë në fjalë. Natyrisht, drejtori Y. Sela u zotua se do t’i ofrojë ndihmë konkrete për përkthimin dhe lekturimin e formularëve, akteve administrative, si dhe të dokumenteve tjera zyrtare të kësaj kompanie. [gallery bgs_gallery_type="slider" size="publisher-lg" bgs_gallery_image_size="full" ids="5526"]