Претставник на Мисијата на ОБСЕ во Скопје во работна посета на Агенцијата за примена на јазикот

118

Директорот на АПЈ, Илбер Села, оствари работна средба со Татијана Темелкоска, претставник на Мисијата на ОБСЕ во Скопје. Средбата е продолжение на одличниот дијалог и соработка меѓу АПЈ и ОБСЕ воспоставена од самото основање на АПЈ.

На средбата, директорот Села ја информираше својата соговорничка за планираните проекти како дел од стратешките приоритети на АПЈ и побара поддршка и конкретизирање на модалитетите за заедничка соработка со Мисијата на ОБСЕ на проекти, чија цел е зајакнување на граѓанскиот концепт, промовирање на меѓуетничкиот дијалог и соживот преку имплементација на програми за обука за преведувачи и лектори, како и кампањи за промоција на предностите за изучување на јазиците кои овозможуваат споделување на заеднички вредности на толеранција и разбирање уште од најмала возраст во образовниот процес.

Претставничката од ОБСЕ, Темелкоска, информираше за активностите и придонесот на ОБСЕ околу изготвувањето на Националната стратегија за развој на концептот на едно општество и интеркултурализмот и ја истакна важноста и улогата на АПЈ во процесот на промоција и заштита на јазичните права на граѓаните, како и поддршка на институциите од јавниот сектор во спроведувањето на законските обврски за употреба на јазиците.

Во овој контекст, двете страни се согласија дека во општеството сѐ уште постојат ретроградни процеси и политики кои водат кон предрасуди, поделби и нетрпеливост кои не придонесуваат кон јакнење на граѓанскиот концепт на современо демократско општество на еднакви граѓани и дека ќе биде потребно време, напори, но и спроведување на заеднички активности кои ќе резултираат кон зголемување на свеста во општеството за придобивките кои ги нуди ваквиот концепт.

Можеби исто така ви се допаѓа